काठमाडौ जेठ ८ गते ।
इतिहासमा थाती रहेको समस्यालाई सम्बोधन गर्दै नेपालको सबै भूगोल समेटिएको ऐतिहासिक नक्सा सार्वजनिक गर्न पाउँदा अत्यन्त गौरवान्वित भएको मन्त्री अर्यालले बताइन।
सरकारले लिम्पियाधुरा, कालापानी र लिपुलेक समेटिएको नेपालको नयाँ राजनीतिक र प्रशासनिक नक्सा सार्वजनिक गरेको हो ।
अर्यालले बुधबार पत्रकार सम्मेलन गरी मन्त्रिपरिषले सोमबार स्वीकृत गरेको नक्सा सार्वजनिक गरेकी हुन् । नक्सा सार्वजनिक गर्न पाउँदा खुसीले सीमा नाघेको छ साथै यसको श्रेय नेपाली जनता, राजनी तिक पार्टीहरू, म आबद्ध नेकपा, पार्टीका अग्रज नेता. मलाई मार्गनिर्देशन गर्नुहुने प्रधानमन्त्रीलाई जान्छ भनिन ।
नापनक्साका सिद्धान्त, अन्तर्राष्ट्रिय प्रचलन, देशको मौजुदा कानुन अनुसार नापी विभागले नक्सा तयार पारेको हो। अद्यावधिक नयाँ नक्सा सार्वजनिक गर्न परराष्ट्र मन्त्रालयले जेठ ४ गते सहमति दिएको थियो। यस अघि सङ्घीय संसदको विभिन्न समितिहरूको बैठकले लिम्पियाधुरासहितको नेपालको नयाँ नक्सा सार्वजनिक गर्न सरकारलाई निर्देशन दिएको थियो।
नापजाँच नियमावली बमोजिम गठित समितिको २०७६ फागुन १३ को बैठकले लिम्पियाधुरा सहितको भूभाग समेटी नक्सा प्रकाशन गर्न सिफारिस गरेको थियो। जेठ ५ गते बसेको मन्त्रिपरिषद् बैठकले लिम्पियाधा सहितको अद्यवाधिक नक्सालाई स्वीकृत गरेको थियो।
राष्ट्रको भूमि रक्षाका लागि खुट्टा नकमाउँने मन्त्री अर्यालले बताएकि छिन ।
जनताले विश्वास गरेर आफुलाई यस स्थान सम्म पठाएको बताएकी छिन् । उनले अहिलेको यस्तो सन्कटको अवस्थामा निजी स्वार्थ हेरेर, आफ्नो ज्यानको माया गरेर राष्ट्रियताको रक्षा गर्ने कार्यमा नचुक्ने बताइन् । नक्सा जारीसँगै सरकार ढल्छ भन्ने हल्ला पनि गरिएका छन्। हाम्रो भूमिलाई ‘सौदाबाजी’ गरेर सरकार टिकाउनु छैन ।
आफ्नो भूमि समेटिएको नक्सा सार्वजनिक गर्दा सरकार छाड्न पर्छ भने हामी हाँसीहाँसी छाड्न तयार छौँ । राष्ट्रियताको सवालमा जनता, अभियान्ता, सबै दल विगतमा जस्तै एकताबद्ध भएर अगाडि बढ्न उनले हार्दिक अनुरोन समेत गरेकी छिन् । उनले यो बेला भनेको एकले अर्को लाई दोष प्रत्यारोपण गरेर सरकारले गरेको कामलाई खिल्लि उडाउने बेला नभएको बताएकि छिन् ।
Discussion about this post