बाँके जेठ १२ गते ।
बाँकेको राप्तीसोनारी ७ मा दुईजना र डुडुवा गाउँपालिका २ मा २ जना पुरुषमा कोरोना संक्रमण पुुष्टि भएको छ ।
यसअघि राप्ती स्वास्थ्य विज्ञान प्रतिष्ठान दाङले राप्तीसोनारी ५ का चारजनामा कोरोना संक्रमण पुष्टि भएको भन्दै विज्ञप्ती निकालेको थियो। राप्ती स्वास्थ्य विज्ञान प्रतिष्ठान दाङमा गरिएको पिसिआर परीक्षणमा बाँकेको राप्तीसोनारी गाउँपालिका ७ सर्रीका १६ र २३ बर्षका पुरुष, डुडुवा गाउँपालिका २ का २३ र २४ बर्षका पुरुष र बर्दिया बासगढी नगरपालिका ९ का २५ बर्षका पुरुषमा कोरोना संक्रमण पुष्टि भएको हो ।
भेरी अस्पताल नेपालगन्जले लोड धान्न नसकेपछि बाँके र बर्दियाबाट शनिवार संकलन गरिएको थ्रोट स्वाब परीक्षणका लागि दाङ पठाइएको थियो । संक्रमित सबै भारतबाट आएका हुन् । उनीहरुको स्वास्थ्य अवस्था सामान्य रहेको र स्वास्थ्यकर्मीकै सम्पर्कमा रहेको बताइएको छ ।
Discussion about this post