जावेद अन्सारी नेपालगन्ज बाँके
इस्लाम धर्मले मुस्लिम समुदायका लागि दुईवटा मुख्यपर्व प्रचलनमा ल्याएको छ । त्यो मुख्य पर्वहरू हुन ,ईदुल फित्र – ईद र ईदुज्जुहा – बकराईद हुन् । यी दुईमध्ये पहिलो पर्व ईदुल फित्र अरबी पात्रोको नवौं महिना रमजानका २९ वा ३० दिन रोजा – राखेको खुसियाली मनाइन्छ भने दोस्रो पर्व त्यो अद्वितीय कुरबानी -बलिदानको सम्झना हो, जो आजभन्दा चार हजार वर्ष पहिला हजरत इब्राहिम अलैले आफ्नो पालनहार अल्लाहका सम्मुख प्रस्तुत गरेका थिए ।
इस्लाम धर्मावलम्बिहरूले संसारभरी नै प्राय: एकै किसिमले मनाउने यो चाड नेपालमा वसोवास गर्ने मुसलमानहरूले पनि धूमधामका साथ मनाउँदछन् । ईद नामले पुकारिने मुसलमानहरूले हिजरिसम्वत् अनुसार उदर्भ महिनामा १ महिनासम्म मनाइने प्रमुख चाड हो ।
यसको नियममा १ महिनासम्म सुर्य नअस्ताउन्जेल पूर्णरुप उपवास (व्रत) बस्ने र अर्को महिनाको शुरूको दिनको चन्द्रमाको दर्शन गरेपछी ईद नमाज पश्चात दैनिकी खानपिन खाने चलन छ । एक महिने रमजान रोजाको उपहार स्वरूप ईद मुवारकको शुभकामना आदानप्रदान गरिन्छ ।
सधै हामिहरुले ईदपर्व हर्ष र उल्लासका साथ सबै सङ्ग मनाइरहेका थियौ भने यसबर्ष काेभिड-१९ नोबल कोरोना भाइरसकाे महामारीविच हामीले हाम्रो महान पर्व ईदुल फित्र मनाईरहेका छाै । महामारीका कारण यस पटक मुस्लिम धर्म गुरुहरु, मुफ्तिहरु समाजिक अगुवा हरूले इस्लाम धर्मले हदीश हरूमा भनेको अनुसार र धर्मगुरू हरूको निर्णय अनुसार ईदकाे नमाजकाे सट्टा चास्त वा नफिलकाे नमाज आ-आफ्नै घरमा पढि ईदको खुशियाली मनाइरहेका छौं ।
सामाजिक दुरी कायम गरेर एक अर्कालाई शुभकामना आदानप्रदान गर्दै किनकी हामिलाई आफ्नो ज्यानको जति माया छ, त्यति हजुरहरुको पनि माया छ, हामीले त आफ्नो सबै भन्दा ठूलो पर्व लकडाउनको नियम पालना गरेर घरमै बसेर मनाईरहेका छौं भने हजुरहरुले पनि आफ्नो मात्र नसोचेर सम्पुर्ण देशबासिको लागि सोचेर लकडाउनको पुर्ण पालना गर्नुस अल्लाह ले हामी सबैलाई कोरोना भाईरस विरुद्ध एक भएर लड्न सक्ने शक्ति प्रदान गरून शुभकामना विशेष रुपमा मुस्लिम धर्मावलम्बीहरुमा अनि जसले जस्ले हामिलाई शुभकामना दिनु भो उहाँ हरु सबैमा हार्दिक कृतज्ञता म अनि हाम्रो अनलाइन खोजखबरको तर्फबाट ।
Discussion about this post