लक्ष्मि तिमिल्सेना
बुटवल साउन ३२ गते। १३ बुंदे घाेषणा पत्र जारी गर्दै युवा नीति र कार्यक्रमको दीगोपनाको लागि युवा तथा सञ्चार बिषयक प्रदेश स्तरीय संवाद कार्यक्रम सम्पन्न भएको छ ।
समापन कार्यक्रममा बाेल्दै राष्ट्रिय युवा परिषद्का संस्थापक कार्यकारी उपाध्यक्ष माधब ढुङ्गेलले नेपाली युवालाई सबल, प्रतिस्पर्धी र अात्मनिर्भर बनाउदै राज्यका हरेक अंगमा सार्थक सहभागिता सुनिश्चित गरि नेपाललाई अाधुनिक, न्यायपुर्ण र सम्बृद्व राष्ट्र बनाउनुपर्ने बताउनुभएकाे छ । उपाध्यक्ष ढुङ्गेलले नेपालले संबैधानिक रुपमा युवा विकासका क्षेत्रलाई राज्यको निर्देशक सिद्धान्त भित्र समेटेको हुनाले अागामि दिनहरुमा राजनीतिक सामाजिक तथा राज्य सन्चालनकाे तहमा युवाकाे व्यापक प्रतिनिधित्व रहने विश्वास ब्यक्त गर्नुभयाे ।
यस्तै रुपन्देही जिल्लाका स्थानीय तहका जनप्रतिनिधिहरुले परिवर्तनका अाधारशिला मानियका युवाहरुलाई उत्पादनमूलक कार्यमा लगाउन जरुरी रहेकाे बताएका छन्। साथै उनिहरुले यस्ताखालका याेजना अाफ्नाे स्थानीय तहमा अघि बढाउने बताएका छन ।
साथै सरकारले युवाहरूको लागि विशेष लगानी गर्नुपर्नेमा जाेड दिदै युवा परिचालन बर्ष लाई सबैले सफल पार्नु पर्ने युवा अभियन्ता साहिल अन्सारीले बताउनुभयाे । ५ नं प्रदेशको प्रतिनिधित्व गर्दै अभियन्ता अन्सारीले राष्ट्रिय युवा परिषद समग्रमा युवाहरूको अभिभावक भएकोले युवाहरूको सकरात्मक नेतृत्वलाई प्राेत्साहन गर्नुपर्नेमा जाेड दिनुभयाे ।
सन्चारकर्मि धनु भुसालले कार्यक्रममा युवा सम्बन्धी बनेका नीतिगत व्यवस्था, त्यसको कार्यान्वयन अवस्था, र युवाका मुद्दाहरु सञ्चार माध्यममा कसरी उठान गर्ने भन्ने विषयमा बाेल्नुभएकाे थियाे ।
कार्यक्रममा प्रदेश नं ५ का रुपन्देही, दाङ, बांके, नवलपरासी लगायतका १०० जना युवाहरुकाे सहभागिता रहेकाे थियाे ।
स्काई क्लब, जागृति बाल तथा युवा सराेकार नेपाल,राष्ट्रिय युवा परिषदकाे सहकार्य तथा वल्डभिजन ईन्टरनेशनल काे सहयोगमा कार्यक्रम गरिएकाे हाे।
अन्तराष्ट्रिय युवा दिवसको अवसरमा नमुना एकिकृत विकास परिषदको आयोजनामा दुई दिने संवाद कार्यक्रम भएको हाे ।
अायाेजक संस्थाका अध्यक्ष ज्ञानु पाैडेलकाे अध्यक्षतामा सम्पन्न कार्यक्रममा तिलाेत्तम पाैडेल,निरज न्याैपाने र दुर्गालाल केसिले सहजिकरण गर्नुभएको थियो। शुक्रबार बाट सुरु भएको कार्यक्रम शनिबार सम्पन्न भएको छ ।
Discussion about this post