बाँके जेठ २२ गते ।
बिहिवार जनमत पार्टी बाँकेले मधेश शहिद चौक निर्माण सम्बन्धित ज्ञापनपत्र नेपालगन्ज उपमहानगरपालिका का मेयर डा.धवल शम्शेर राणालाई हस्तान्तरण गरेको छ ।
२०६२-६३ सालमा भएको मधेश बिद्रोहमा शहिद बनाइएकाहरुको पहिचानको लागि उहिबेला नै मधेशी सहिदको नाममा चौकको नामाकरण गरिएको थियो तर पछिल्लो वर्ष नेपालगन्ज उपमहानगरपालिका तथा नेपालगन्ज उद्योग बाणिज्य संघको अगुवाइमा चौक मर्मतको नाममा तोडफोड गरियो त्यसैलाइ लिएर जनमत पार्टीले लगातार बिरोध जनाउँदै तथा मधेश सहिद चौक निर्माणको पहल गर्दै आएको छ ।
पछिल्लो साता फेरी नया सिडियो आएपछि कर्फ्यु जारी भयो त्यसैको मौका छोपी उपमहानगरपालिकाले आफ्नो मनोमानी तरिकाले चौक बनाउने कोसिस गरेकोले जनमत पार्टी बाँकेले संज्ञानमा लिई आज मिति २०७७/०२/२२ गतेका दिन नेपालगन्ज उपमहानगरपालिकामा गई मधेश सहिद चौक निर्माण सम्बन्धि आफ्नो धारणा राखेको छ।
ज्ञापनपत्र जनमत पार्टीका नेता इरफान अहमद शेषको नेतृत्वमा बुझाइएको थियो । ज्ञापन पत्र बुझाउने कार्यक्रममा जिल्लाका प्रमुख नेताहरू जाबिर हल्वाइ, हरपाल सिंह सिख, रियाज अंसारी, मेराज अंसारी, शैलेन्द्र कर्ण, मुकिम अंसारी, अल्ताफ हुशेन राई लगायतका नेताहरुको बाक्लो उपस्थिति रहेको थियो ।
Discussion about this post