विरगंग जेठ २८ गते ।
समाजबादी युवा संघले बिरगंजको घन्टाघरमा भौतिक दुरि कायम राखी विभिन्न माग सहितको प्लेकार्ड देखाउदै संघीय सरकारको बिरोध गरेको छ ।
कोरोना भाइरस (कोभिड १९) बाट नागरिकलाई सुरक्षित राख्न संघीय सरकारले जारी गरेको लकडाउनको आज ७९ औं दिन पुरा भएको छ ।
लकडाउन जारी गरिएको दिन देखि देशका सम्पूर्ण जनताले आफ्नो व्यापार, कृषि कर्म, मजदुर लगायतले घरमा बसी सरकारलाई सघाउन बाध्य रहेको कुरा सम्पूर्णमा अवगत नै छ ।
राज्यको सम्पूर्ण कामकारवाही चल्या छ तर जनताको चुलो बन्द रहेको अवस्थामा सरकारले जनतासँग असुल्ली गर्ने कर, किसानको व्याज, व्यापारीहरूको व्याज लगायत कुरामा उर्दी जारी गरेको विरुद्धमा पर्साको सदरमुकाम बिरगंजको घन्टाघरमा सांकेतिक बिरोध मार्फत राज्यलाई ध्यानाकर्षण गराउन नाराबाजी गरिएको प्रदेश सदस्य शिव कुमार साहले बताएका छन् ।
नाराबाजी र प्रदर्शन सहित लकडाउन अवधिभरको कर, बैंक ब्याज, बिजुली बिल, स्कुल,कलेज शुल्क र घर भाडा माफ गर, निकममा अर्थमन्त्रि राजिनामा दे, प्रदेश नं.२ लाई विशेष आर्थिक पैकेज घोषणा गर , मलखाद तथा बिउबिजन सुलभ तरिकाले प्रयाप्त मात्रामा व्यवस्था गर , पिसिआर र आरडिटि प्रयाप्त मात्रामा उपलब्ध गर, मा. रेशम चौधरीलाई अबिलम्ब रिहा गर, गरिब, मजदुर, किसान र असहायलाई अबिलम्ब राहतको व्यवस्था गर, बिदेशमा फसेका नेपालीलाई अबिलम्ब ल्याउने व्यवस्था गर भन्ने माग समेत राखिएको जनता समाजबादी पार्टी नेपालका केन्द्रिय सदस्य एवं युवा सह-इन्चार्ज फिरोज मन्सुरले जानकारी दिए ।
जनता समाजबादी पार्टी नेपालका केन्द्रिय सदस्य एवं युवा सह-इन्चार्ज फिरोज मन्सुरको नेतृत्वमा भएको बिरोध कार्यक्रममा समाजबादी युवा संघका केन्द्रिय सदस्य अजय यादव, प्रदेश सचिव कसीम अन्सारी, प्रदेस सदस्य शिव कुमार साह, अजय प्रसाद साह, ऋषि साह र युवा नेता अमोद यादव, रामबाबु यादव, दिलिप रौनियार लगायतको युवाहरुको सहभागी रहेको थियो |
Discussion about this post