बाँके जेठ ३१ गते ।
मुख्यमन्त्री ग्रामीण बिकास कार्यक्रम आर्थिक रुपमा पछि पारिएका वर्ग र समुदायको आर्थिकस्तर बृद्धि गर्दै उनीहरुको आयमा दीगोपन, सीप विकास, क्षमता विकासका लागि काम गर्दै आएको छ ।
शनिबार बाँकेको खजुरा गाउँपालिकामा कार्यक्रमका लक्षित महिलाको आर्थिक अवस्था सुधार र उनीहरुको पेशामा सक्षम र सवल बनाउनका लागि गाउँपालिका स्तरीय कार्यक्रम सिफारिस तथा कार्यान्वयन समितिको निर्णय अनुसार पालिकाका ८ वटै वडाका १ सय महिला तथा विपन्न परिवारका लागि निःशुल्क बाख्रा सहयोग कार्यक्रम संचालन गरेको छ ।
त्यसै अन्तर्गत प्रदेश नं। ५ सरकारले गरिब, विपन्न, एकल महिला, दलित, मधेसी, मुस्लिम र आर्थिक रुपमा विपन्न नागरिकको आयस्तर बृद्धिका लागि मुख्यमन्त्री ग्रामीण विकास कार्यक्रम संचालन गरी यी समुदायका पक्षमा काम गरिरहेको छ ।
खजुरा गाउँपालिका पशु शाखा प्रमुख रत्न शाहीका अनुसार पालिका स्तरीय मुख्यमन्त्री ग्रामीण विकास कार्यक्रमबाट महिला र विपन्न परिवारको आयस्तर बृद्धिका लागि बाख्रा सहयोग गरेको जानकारी दिए। उनले गाउँपालिकामा मुख्यमन्त्री ग्रामीण विकास कार्यक्रमबाट महिलाका लागि आयआर्जन, सीप विकास, क्षमता विकास कार्यक्रम अन्र्तगत सहयोग गरिएको बताए ।
बाँकेका ६ वटै गाउँपालिकामा प्रति गाउँपालिकाले आफ्नो स्थानीय विषेशता र जनस्तरको मागका आधारमा कार्यक्रम छनौंट र रकम विनियोजन गरिएको मुख्यमन्त्री ग्रामीण बिकास कार्यक्रमका सहजकर्ता केशब चालिसेले बताएका छन् । उनले हरेक गाउँपालिकामा ५२ लाख बराबरको कार्यक्रम र बजेट संचालन भएको समेत जानकारी दिएका छन् ।
उनले मुख्यमन्त्री ग्रामीण विकास कार्यक्रमले गाउँपालिकाका कार्यक्रमले समेत समेट्न नसकेका र साँच्चिकै गरिब, विपन्न, महिला र पछाडी पारिएका वर्गका लागि सहयोग कार्यक्रम संचालन गरेको बताएका छन् ।
Discussion about this post