दाङ असार ६ गते ।
दाङको बंगलाचुली गाउँपालिकाले घोराही सिमेन्ट उद्योगको चुनढुङ्गा ढुवानी गर्ने टिपरहरुलाई आजदेखि सञ्चालनमा रोक लगाएको छ।
कोरोना भाइरस (कोभिड–१९)को संक्रमण गाउँपालिका पनि बढिरहेकाले टिपरहरु सञ्चालन भएपछि थप संक्रमण बढ्न सक्ने भन्दै सञ्चालनमा रोक लगाएको गाउँपालिका कार्यालयले जनाएको छ।
लकडाउनका कारण चुनढुङ्गा ढुवानी नगरेको घोराही सिमेन्ट उद्योगले गाउँपालिकासँग समन्वयबिनै शुक्रबार सयौं टिपरहरु गाउँपालिका पठाएको थियो। त्यसलगत्तै संक्रमण जोखिम थपिने भन्दै स्थानीयले टिपरहरु सञ्चालन गर्न नहुने भन्दै सडकमा आएर रोकेका थिए।
गाउँपालिकाले पनि यसप्रकारको कार्यले स्थानीय जनतामा मानसिक तथा मनोबैज्ञानिक असर पर्ने भन्दै सञ्चालनमा रोक लगाउने जनाएको छ।
ADVERTISEMENT
Discussion about this post