बाँके असार ६ गते ।
शनिबार बाँकेको राप्ती नदीमा पानीको स्तर बढेसँगै बाढी आउने खतरा बढेको छ । पहाडी क्षेत्रमा निरन्तर परिरहेको पानीका कारण राप्ती नदी आसपासका क्षेत्रमा खतरा बढेको हो ।
यो समाचार तयार पारुञ्जेलसम्म राप्ती नदीले खतराको तह पार गरेको छ ।
कुुसुमस्थित बाढी मापन केन्द्रका अनुसार राप्ती नदीको बहाव चेतावनी स्तर पार गरेको हो । राप्ती नदीमा ५ दशमलव ४० मिटर पानीको स्तर पुगेमा खतरा मानिन्छ । अहिले राप्तीमा पानीको सतह ५ दशमलव ३६ मिटर पुगेको छ ।
पहाडी भेगमा लगातार भइरहेको वर्षाले राप्तीमा पानीको सतह अझै बढ्ने क्रममा रहेकोले सतर्कता अपनाउन बाढी मापन केन्द्र कुसुमले आग्रह गरेको छ ।
कुसुममा पानीको सतह बढेसंगै बाँकेको राप्तीसोनारी र डुडुवा गाउँपालिका लगायत राप्तीको तल्लो तटीय क्षेत्रमा बाढी आउने सम्भावना उच्च रहेको बाढी पूर्वानुमान महाशाखाले जनाएको छ ।
Discussion about this post