गुल्मी असार ६ गते ।
गुल्मीमा पहिरोमा जिप पुर्दा एकको मृत्यु, दुई गम्भीर सहित पाँच जना घाईते । गुल्मीमा पहिरोले गाडि पुर्दा एक जनाको ज्यान गएको छ भने पाँच जना घाइते भएका छन ।
जिल्लाको धुर्कोट गाउँपालिका वडा नम्बर तिन हाडहाडेमा उक्त घटना घटेको धुर्कोट गाउँपालिका अध्यक्ष भुपाल पोख्रेलले बताए ।
अर्घाखाँचीको मालारानी, हाडहाडे हुदै धनमुडा जादै गरेको ग १ ज ३९९७ नम्बरको गाडि चुने ओडार भन्ने स्थानमा पहिरोले पुरेको हो । ६ जना जिपमा सवार रहेको बताईएको छ ।
जिपमा सवार मध्ये अन्दाजी वर्ष १८ धुर्कोट गाउँपालिका ३ का तुल्सिराम काउछा ज्यान गएको छ ।
त्यस्तै गम्भीर घाइते हुनेमा सोहि स्थानकै चालक प्रदिप पुन र रमेश राना रहेका छन । उनिहरुलाई उपचारको लागी सन्दिखर्क पठाईएको इलाका प्रहरी कार्यालय पुर्कोट दहका प्रहरी निरिक्षक पकंज चुदालीले जानकारी दिए ।
अन्य ३ जना केशव काउछा ,खिम बहादुर काउछा र बिशाल काउछाको अवस्था सामान्य रहेको बताईएको छ ।
Discussion about this post