बाँके असार ७ गते ।
बाँकेको खजुरा गाउँपालिका ४ ईगाउँमा अपांगता भएका ब्यक्तिहरुलाई आईतबार सहायक सामग्री हस्तान्तरण गरिएको छ । वडा कार्यालयको आर्थिक सहयोगमा सहारा अपांग समूह खजुराले सहायक सामग्री वितरण गरेको हो ।
सहायक सामग्री वितरण गर्दै वडा अध्यक्ष तिलकवीर सुनारले अपांगता भएका ब्यक्तिलाई वडा कार्यालयले स्वरोजगारमुलक कार्यक्रमका लागि समेत सहयोग गर्ने नीति लिएको बताएका छन् । सहारा अपाङ्ग समूहका सचिव खेमराज खत्रीको अध्यक्षतामा भएको कार्यक्रममा वडा अध्यक्ष सुनार, वडा सदस्य दलबहादुर बिसी, दलबहादुर कठायत, विर्मादेवी सुनार, समाजसेवी रुपसिंह भण्डारी लगायतले सहायक सामग्री वितरण गरेका थिए।
समूहका अध्यक्ष झुपवहादुर भण्डारीका अनुसार एकजनालाई ट्राई साईकल, चारजनालाई व्हिलचेयर, ३ जनालाई दृष्टिविहिन छडी र १० जनालाई सामान्य छडी वितरण गरिएको छ । यसैगरी एकजनालाई हर्लिक्स समेत सहयोग गरिएको छ ।
वडा अध्यक्ष तिलबिर सुनारले अपाङ्ग भएका व्यक्तिहरुको लागि स्वरोजगारमुलक कार्यक्रमको लागि नीति बजेट तथा कार्यक्रम बनाउनको लागि गाउँपालिकालाई पहल गर्ने बताए । साथै उनले आफ्नो वडाबाट पनि अपाङ्ग भएका व्यक्तिहरुको लागि विशेष कार्यक्रम ल्याउने बताएका छन् ।
Discussion about this post