बाँके असार ८ गते ।
कोहलपुर नगरपालिका , महिला उपकार मञ्च र हेफर इन्टरनेशनलले साझेदारीमा कोहलपुर नगरपालिकाका साना किसान लाई रु ३ सयका दरले ३ लाख वितरण गरिएको महिला उपकार मञ्चकि अध्यक्ष विजुला अधिकारीले बताईन् ।
उनले विशेष गरि महिलाहरुके प्रत्यक्ष आर्थिक लाभ लिन सकुन भनेर कार्यक्रम गरिएको बताइन।
उनले यो कार्यक्रमले हरेक घर लाई तरकारीमा आत्मनिर्भर बनाउने दावी गरिन् । कोहलपुर नगरपालिका को वडा नं १,२,३,७,८,१०,१२,१३ र १४ मा रहेको १ हजार साना किसानलाई साना किसान उद्यमी सुदृढीकरण परियोजना अन्तरगत रु ३ लाख वितरण गरिएको कार्यक्रम संयोजक चन्द्रकला न्यौपानेले जानकारी दिईन् ।
कोहलपुर नगरपालिका भित्रका परियोजना सञ्चालित वडाका ४० वटा समुहमा आवद्ध १ हजार सदस्यहरुलाई उक्त रकम तरकारी खेतीमा प्रोत्साहित गर्ने उद्देश्यले वितरण गरिएको सामुदायिक सहजकर्ता बिमला वि.कले बताईन् ।
आज वडा नं १ का ४ वटा समुह र वडा नं १० का २ वटा ,वडा नं ३ का २ वटा समुहका साना किसान लाई करेसाबारी तरकारीमा सहयोग पुगोस् भनि आज रकम वितरण गरिएको सामुदायिक सहजकर्ता अनुप भुषालले बताएका छन् ।
Discussion about this post