बाँके असार १० गते ।
जनता समाजवादी पार्टी नेपालले नागरिकता संसोधन बिधेयक २०७७ बिरुद्ध बुधबार नेपालगञ्जमा बिरोध प्रदर्शन गरेको छ । पार्टीले विधेयकप्रति असहमति जनाउँदै नेपालगञ्जमा बिरोध प्रदर्शनसहित जिल्ला प्रशासन कार्यालय बाँके अगाडी धर्नासमेत दिएको छ ।
प्रदर्शनमा सहभागी नेता कार्यकर्ताहरुले ‘संशोधित नागरिकता विधेयक खारेज गर’, नेपाली बुहारीलाई नागरिकता बिहिन गर्न पाइदैन,लगायतका नारा लगाएका थिए । प्रदर्शनमा सहभागि नेता कार्यकर्ता नागरिकता बिधेयक बाहेक लिपुलेक, कालापानी लिम्पियाधुरा हाम्रै हो हाम्रै हो, सगरमाथा हाम्रै हो भन्ने समेतका नारा लगाएका थिए ।
नेपाल भारतबीच युगौंदेखि रहेको रोटीबेटी र सांस्कृतिक सम्बन्धमा खलल पुग्ने जसपा बाँकेकी महिला नेतृ रेखा गुप्ताले बताइन् । सिंहदरबारमा आइतवार बसेको प्रतिनिधि सभाको राज्य व्यवस्था तथा सुशासन समितिको बैठकले वैवाहिक अंगीकृतलाई सात वर्षपछिमात्र नागरिकता दिने प्रस्तावसहित नागरिकता ऐन संशोधन विधेयक बहुमतले पारित गरेको हो ।
यस्तै जनता समाजवादी पार्टी कि नेत्री अम्बिका काफ्लेले हामी महिलाहरुलाई चुलोचौको, राजनीति देखि बाहिरको सबै काममा सङ्हर्ष गर्नु पर्ने तर हामिलाई नेपालको नागरिकता दिन भने हामिलाई विधेक लागू गर्ने नागरिकता पाउनु हाम्रो अधिकार हो हामिले सजिलै नागरिकता पाउनु पर्ने भन्दै आक्रोश व्यक्त गरेकी थिइन उनले यो कम्युनिस्ट को सरकार होइन कमाउनिस्टको सरकार हो र यहाँ महिलालाई कठपुतली बनाउन खोजिदै छ यो आफुलगायत जसपा लाई मान्य नहुने बताएकि छिन् ।
प्रदर्शनमा सहभागि जसपाका युवा नेता दुर्गेश गुप्ताले सरकारले ल्याएको बिधेयकले हाम्रो रोटीबेटीको सम्बन्धम असर पुग्ने बताए । अर्को मूलुकबाट विवाह गरी आउने बुहारीलाई सातवर्ष पछि मात्र नागरिकता दिने कार्य संविधानको मूलमर्म र भावना विपरीत भएको जसपाका गुप्ताले बताए।
Discussion about this post