बाँके असार १४ गते ।
मापदण्ड विपरीत सन्चालनमा रहेका बाँकेका २४ वटा क्रसर उद्योग बन्द गरिने भएको छ । जिल्ला समन्वय समितिको आज बसेको बैठकले मापदण्ड विपरीत सन्चालनमा रहेका ति क्रसर उद्योग बन्द गर्ने निर्णय गरेको जिल्ला समन्वय समितिका संयोजक अजय श्रीवास्तवले जानकारी दिनुभयो ।
समितिले गरेको अनुगमनका क्रममा लाइसेन्स नभएको, नवीकरण नगरेको र मापदण्ड समेत नपुगेको भेटिएपछि ति उद्योगहरु बन्द गर्ने निर्णय भएको उहाँले जानकारी दिनुभयो। मापदण्ड नपुगेका क्रसर उद्योगले स्टक राखेका नदीजन्य पदार्थ पनि जफत गरिने भएको छ ।
बाँकेमा सन्चालनमा रहेका २७ वटा क्रसर उद्योग मध्ये तीनवटाले मात्र मापदण्ड पूरा गरेको पाइएको छ । अन्य क्रसर उद्योगहरु भने राजनीतिक दलहरुको आडमा मापदण्ड विपरीत सन्चालन हुँदै आएका छन् । बैठकले तत्कालका लागि नदीजन्य बस्तु उत्खन्न समेत बन्द गर्ने निर्णय गरेको छ ।
Discussion about this post