बाँके साउन १ गते ।
बाँके र बर्दियाका संचारकर्मीद्धारा विगतमा संचार केन्द्र नेपालगन्जले गर्दै आएका काम जिल्ला हुलाक कार्यालय बाँके मार्फत संचालन गर्नु पर्ने माग सहित संचार मन्त्रिलाइ ज्ञापन पत्र पठाएको साप्ताहिक पाक्षिक संजाल बाँकेका अध्यक्ष अछरी पोखरेलले जानकारी गराएकी छिन् ।
ज्ञापन पत्रमा राखीएका मागहरु मध्य नया प्रेस प्रतिनिधी प्रमाण पत्र वितरण गर्ने, प्रेस प्रतिनिधी प्रमाण पत्र नविकरण गर्ने, लोककल्याणकारी बिज्ञापनको भुक्तानी गर्ने, सबै प्रकारका छापा र बिद्युतिय संचार माध्यमहरुको नविकरण तथा रेकर्ड ब्यबस्थापन गर्ने, सबै प्रकारका छापा र बिद्युतिय संचार माध्यमहरुको क्षमता विकास गर्ने, प्रदेश कानून बमोजिम हुने संचार तथा संचारकर्मी सम्बन्धीका व्यवस्था लागु गर्ने जस्ता माग रहेका छन् ।
यसरी माग राख्नेहरुमा मधु शाही केन्द्रीय सदस्य नेपाल पत्रकार महांसंघ , भेषराज बस्नेत महांसचिव नेपाल पत्रकार महांसंघ ५ नं प्रदेश कमिटि , झलक गैरे निबर्तमान केन्द्रीय सदस्य नेपाल पत्रकार महांसंघ , पूर्णलाल चुके सल्लाहकार साप्ताहिक पाक्षिक सञ्जाल बांके, अछरी पोख्रेरल अध्यक्ष साप्ताहिक पाक्षिक सञ्जाल बांके, डक्टप्रसाद प्रसाद धिताल, संयोजक प्रेस संगठन बांके , मो. आरिफ अन्सारी संयोजक अकोराव नेपाल जिल्ला समन्वय समिति , अजय कुमार गुप्ता, सचिव, साप्ताहिक पाक्षिक सञ्जाल बांके रहेका छन् ।
विगतमा संचार केन्द्र बाँकेमा रहेर छापा र विद्युतिय संचार माध्यमका सवालमा काम गर्दै आएको भएतापनि हाल आएर प्रदेश ५को राजधानी रुपान्देहि गए संगै संचार केन्द्रले गर्देै आएको सबै कामको जिम्मा जिल्ला हुलाक कार्यालय रुपन्देहिलाइ दिइएको हो ।
जसले गर्दा बाँकेबाट संचार के्न्द्र हटाएका कारण बाँके बर्दियामा रहेका संचार संस्था र संचारकर्मीहरुले विभिन्न खाले समस्या खेप्न बाध्य भएको हुनाले बाँकेको जिल्ला हुलाक कार्यालयलाइ जिम्मा लगाइयोस भन्ने माग सहित बाँके बर्दियाकाका संचारकर्मी हरुले जिल्ला प्रशासन कार्यालय बाँके मार्फत संचार तथा सूचना प्रविधि मन्त्रालय काठमाण्डौंमा ज्ञापनपत्र पठाएका हुन ।
उक्त ज्ञापन पत्र साप्ताहिक पाक्षिक संजाल बाँकेका बरिष्ठ सल्लाहकार पुर्णलाल चुकेले पढेर सुनाएका हुन् भने प्रमुख जिल्ला अधिकारी राम बहादुर कुरुवाङले आज नै काठमाण्डौं संचार मन्त्रालयमा पठाउने प्रतिवद्धता व्यक्त गरे ।
देश संघीयतामा गईसके पछि राज्य पुनरसंरचनाको क्रममा हरेक प्रकारको सेवा सुविधा जनताको नजिकको इकाईमा पुग्नु पर्नेमा झन हामी संचार क्षेत्रले बिगतमा नेपालगंजबाट पाई रहेका सेवा सुविधाहरु समेत कटौति हुनुले बाँके बर्दियाका संचारकर्मी मर्माहित भएका छन् ।
विगतमा नेपालगन्जबाट लिनेगरेका सुविधा लिन हाल आएर प्रदेश राजधानीका नाममा रुपन्देही पुग्न पर्ने बाध्यता सृजना भएको छ । जस्ता सवाल ज्ञापन पत्रमा समेटिएको छ । जसको बोधार्थ मूख्य मन्त्रीको कार्यालय ५ नं प्रदेश बुटवल पनि पठाइएको छ ।
Discussion about this post