सरला सुवेदी
बाँके साउन ५ गते ।
लगातारको बर्षाको कारण बाढी आएर कटान सुरु गरेपछी जानकि टोलका बासिन्दाहरुले जनप्रतिनिधिलाई गुहार्दै सहयोगको लागि अपिल गरेका हुन् ।
केही दिनको प्रयास पछि आज प्रमुख जिल्ला अधिकारी सहितको टोलि अनुगमनमा आएका छन् । जिल्ला प्रशासन कार्यालय बाँकेले बाढी तथा कटानबाट हुनसक्ने क्षतिको जोखिमबाट जोगाउन रोहिणी खोला छेउ जानकी टोलका बासिन्दालाई उच्च सतर्कता अपनाउन आग्रह गर्दै प्रमुख जिल्ला अधिकारी रामबहादुर कुरुम्बाङ ले तत्काल कटान रोक्नको लागि अस्थायी तटबन्ध गर्ने र आपतकालीन अवस्थामा बस्ती जोगाउन निर्देशन दिएका छन् ।
प्रमुख जिल्ला अधिकारी कुरुम्बाङ्ले आज कोहलपुर नगरपालिका १२ चपरगौडी स्थित जानकी टोलको अनुगमन गर्दै अनुगमनका क्रममा उनले रोहिणी खोलाले कटान गरेको कारण आसपासका घरहरुमा मानवीय र धनमालको क्षति हुन सक्ने सम्भावनालाई दृष्टिगत गर्दै सतर्कता अपनाउन स्थानीय बासिन्दा र सम्बद्ध सबै निकायलाई आग्रह गरेका छन् ।
वर्षा सुरु भएसङ्गै कटान सुरु भएकोले अझै लगातार केही दिन पानी पर्न सक्ने हुनाले बस्ती जोखिममा पर्ने हुनाले अहिलेको अवस्थालाई मध्यनजर गर्दै आर्मि र सेनापरिचालन गरि स्थानियको सहयोग लिइ अस्थायी तटबन्धन गर्ने बताएका छन् ।
कटान भएको बस्ती मा रोकथामको लागि पहल गर्न कोहलपुर नगरपालिकाको बिपद कोषबाट रकम निकासा गरिने र तत्काल काम सुरु गर्ने नगरप्रमुख लुटबहादुर रावतले बताएका छन् । उनले अहिले अस्थायी तटबन्धन गरेता पनि भदौ असोजमा रोहिणी खोलाले कटान गरेको ठाउँमा बस्ती जोगाउनको लागि पुरै तटबन्धन गर्ने बताएका छन् ।
देशभर शनिबार बिहानदेखि नै मनसुन सक्रिय भएको हो । बर्षात हुनासाथ नदी खोलामा बाढी आउने र कटान भुने भएकाले सुरक्षा संयन्त्र, रेडक्रस, विपद् व्यवस्थापन समितिहरुलाई विपत् आइपरेको खण्डमा तत्काल उद्धार तथा राहत कार्यमा जुट्न आग्रह गरिएको उनले बताएका छन् ।
Discussion about this post