बाँके साउन ९ गते ।
ज्यान मार्ने उद्योगका फरार प्रतिवादीलाई बाँके प्रहरीले पक्राउ गरेको छ । ज्यान मार्ने उद्योगमा मुद्धा दर्ता भई गत बैशाख ९ गतेदेखी फरार भएका चार जना प्रतिवादीमध्ये २ जनालाई खजुरा गाउँपालिकाको गुनानास्थित सडकमा घुमफिर गरिरहेको अवस्थामा पक्राउ गरिएको प्रहरीले जनाएको छ।
खजुरा गाउँपालिका वडा न ७ गुनाना बस्ने १९ वर्षीय समिर भाट र २९ वर्षीय कलिम भाट पक्राउ परेका हुन् । कोहलपुर पिपिसी इट्टा भट्टा उद्योगमा काम गर्दै आएका शोनु शेखलाई ज्यान मार्ने उद्धेश्यले कुटपिट गरी उनीहरु फरार भएका थिए। शेखले उनिहरुबिरुद्ध दिएको उजुरीका अधारमा जिल्ला प्रहरी कार्यालय बाँकेले जेठ १३ गते ज्यान मार्ने उद्योगमा मुद्धा दर्ता गरेको जिल्ला प्रहरी कार्यालय बाँकेका प्रवक्ता सुबास खड्काले जानकारी दिनुभयो ।
पक्राउ परेका दुबैलाई जिल्ला अदालतबाट म्याद थप गरी थप अनुसन्धान सुरु गरीएको प्रहरी प्रवक्ता खड्काले जानकारी दिनुभयो ।
Discussion about this post