बाँके साउन ११ गते ।
नेपालगन्जस्थित भेरी अस्पतालको कोरोना परिक्षण प्रयोगशाला पोलिमरेज चेन रियाक्सन पीसीआर परिक्षणमा काठमाडौं बाहिर पहिलो भएको छ ।
पीसीआर परिक्षण गर्नेमा पहिलो स्थानमा राष्ट्रिय जनस्वास्थ्य प्रयोगशाला टेकु काठमाडौं र दोस्रोमा भेरी अस्पताल नेपालगन्ज रहेको स्वास्थ्य मन्त्रालयले जनाएको छ ।
नेपालमै नमूना परिक्षणमा दोस्रो स्थानमा परेपछि भेरी अस्पताल विकास समितिका अध्यक्ष प्रमोद धितालले प्रयोगशालामा कार्यरत प्राविधिकहरुलाई बधाईसहित धन्यवाद व्यक्त गरेका छन् ।
अध्यक्ष धितालले प्रयोगशालामा कार्यरत प्राविधिकहरुप्रति सम्मान व्यक्त गर्दै आफ्नो फेसबुकमा लेखेका छन्, ‘पीसीआर टेष्ट गर्नेमा राष्ट्रिय जनस्वास्थ्य प्रयोगशाला टेकु काठमाडौं प्रथम र दोस्रोमा भेरी अस्पताल नेपालगन्ज ।
सम्मानका पात्र हुनुहुन्छ प्रयोगशाला भेरीका प्राविधिक मित्रहरू जसले असाध्यै मेहनत गर्नुभएको छ ।’त्यस्तै बाँकेका प्रमूख जिल्ला अधिकारी रामबहादुर कुरुम्बाङ्गले पनि प्रयोगशालामा कार्यरत प्राविधिकहरुप्रति सम्मान व्यक्त गर्दै आफ्नो फेसबुक पेजमा लेखेका छन्, ‘भेरी अस्पतालको ल्यावमा १९ हजार पीसीआर परिक्षण पूरा भएको छ ।
यो काठमाडौं बाहिर सबैभन्दा बढी हो । ल्यावका सबै सदस्यहरुप्रति उच्च सम्मान छ । हामी खुशी र गौरवान्वित छौं ।
Discussion about this post