खोजखबर संवाददाता
बाँके भदौ १३ गते । नेपालगन्जमा रहेको मदरसा दारुलउलुम बरकातिया माध्यामिक बिद्यालयमा अध्ययनरत गरिब र अनाथ बिद्यार्थिलाई भार्गव विकास बैंकले शुक्रवार खाद्यान्न सहयोग गरेको छ ।
नेपालगन्जमा केन्द्रिय कार्यालय रहेको भार्गव विकास बैंकले आफ्नो १३ औं बार्षिकोत्सवको अवसर पारेर मुस्लिम समुदायका ८० जना गरिब र अनाथ बिद्यार्थिलाई सो सहयोग गरेको हो ।
बैंकको संचालक समितिका अध्यक्ष डम्बर बहादुर थापाले मदरसाका संंस्थापक मौलाना अब्दुल जब्बार मन्जरीलाई एक समारोहका विच सो खाद्यान्न हस्तान्तरण गरे ।
सो अवसरमा बैंकले १५ क्विन्टल चामल, २५ किलो दाल र २० लिटर खाने तेल उपलब्ध गराएको थियो ।
सो अवसरमा बोल्दै बैंकको संचालक समितिका अध्यक्ष थापाले बैंकको सामाजिक दायीत्व अन्तर्गत मुस्लिम समुदायका गरिब, अनाथ र पिडितहरुलाई खाद्यान्न सहयोग गरेको बताउनु भयो । उनले यस्ता सहयोगले अरुलाई पनि सहयोग गर्न प्रेरित गर्ने बताए । सोही अवसरमा बोल्दै भार्गव विकास बैंकका प्रमुख कार्यकारी अधिकृत पुष्करराज जोशीले यसअघि पनि बाँकेमा धेरै ठाउँमा धेरै पटक बैंकले आवश्यकता भएकाहरुलाई सहयोग गरेको स्मरण गर्दै मुस्लिम समुदायका गरिब र अनाथ विद्यार्थिलाई खाद्यान्न सहयोग गर्न पाउँदा खुशी लागेको बताए ।
मदरसा दारुलउलुम बरकातिया माध्यामिक बिद्यालयका संस्थापक मौलाना मौलाना अब्दुल जब्बार मन्जरीले मदरसामा आवासीय रुपमा शिक्षा ग्रहण गरिरहेका गरिब, अनाथ र असहाय विद्यार्थिलाई सहयोग गरेर ठुलो गुन लगाएको जनाए ।
बैंकले कुनै पनि धार्मिक, सामाजिक र भौगोलिक भेदभाव विना अनाथ र गरिबलाई खाद्यान्न सहयोग गरेर धेरै राम्रो काम गरेको उनले बताए ।
मुस्लिम समुदायले दिएको दान र चन्दाबाट ती विद्यार्थिहरुको खानपिन र रहनसहनको व्यवस्थापन भेरहेको जनाउँदै मौलाना मन्जरीले बैैंकले गरेको सहयोगबाट मदरसालाई धेरै राहात मिलेको बताए । सो अवसरमा भार्गव विकास बैंकका संस्थापक हेमराज भण्डारी, संचालकहरु कान्ति सिंजापति भण्डारी र कृष्ण प्रसाद बास्कोटा, मदरसा दारुलउलुम बरकातिया माध्यामिक बिद्यालयका प्रधानाध्यापक मौलाना जियाउल मुस्तफा, संचालक समितिका पदाधिकारी र अभिभावक, शिक्षक तथा बैंकका वरिष्ठ कर्मचारी लगायत पत्रकारहरुको पनि उपस्थिति रहेको थियो ।
Discussion about this post