बाँके साउन २० गते ।
कोरोना संक्रमितहरूको संख्या बढ्दै गएपछि नेपालगन्ज उपमहानगरपालिका २० मनिकापुरस्थित ह्वाइट हाउस होटेललाई आइसोलेशन सेन्टर बनाईने भएको छ । योसँगै बाँकेमा पाँचवटा आइसोलेसन सन्चालनमा आएका छन् ।
जिल्ला प्रशासन बाँकेमा मंगलवार बसेको कोभिड–१९ संकट व्यवस्थापन केन्द्रको बैठकले कोरोना संक्रमितको संख्या बढ्दै गएकाले थप आइसोलेशन सेन्टरको आवश्यक्ताअनुसार सो होटेललाई सेन्टर बनाउने निर्णय गरेको हो ।
थप एक आइसोलेशन सेन्टरको आवश्यक्ता भएकाले ह्वाईट हाउसमा संक्रमितहरूलाई व्यवस्थापन गर्ने निर्णय भएको प्रमुख जिल्ला अधिकारी रामबहादुर कुरूम्वाङले जानकारी दिए । पछिल्लो समय बाँकेमा दैनिकजसो कोरोना संक्रमित फेला परिरहेका छन् ।
जसमध्ये अधिकाँश समुदायका व्यक्ति तथा सरकारी कर्मचारी रहेका छन् । बिगतमा बनाइएका आईशोलेशन सेन्टर बन्द गरिएकाले अहिले फेला परिरहेका संक्रमितको व्यवस्थापन गर्न गाह्रो भएको छ ।
Discussion about this post