बाँके भदौ १८ गते ।
बाँकेका ३९ सहित ४७ जनामा कोरोना संक्रमण पुष्टि भएको छ । भेरी अस्पताल नेपालगञ्जमा बिहीवार गरिएको परीक्षणमा बाँकेका ३९ र बर्दियाका ८ जना गरी ४७ जनामा संक्रमण पुष्टि भएको हो ।
संक्रमितहरुमध्ये सबैभन्दा बढि कोहलपुरका रहेका छन् । भेरी अस्पतालका अनुसार कोहलपुर ११ का १३ र कोहलपुर ३ का ६ गरी १९ जनामा संक्रमण देखिएको छ । त्यसैगरी नेपालगञ्जका १४, भेरी अस्पतालका ३, जिल्ला प्रहरी कार्यालय बाँकेका एक र नेपालगञ्ज बस्दै आएका बर्दिया र दैलेखका एकएक जनामा कोरोना देखिएको छ ।
पछिल्लो २४ घण्टामा ४ सय ३ जनाको स्वाव परीक्षण गरिएकोमा बाँके र बर्दियाका ४७ जनाको रिपोर्ट पोजेटिभ देखिएको भेरी अस्पतालले जनाएको छ ।
ADVERTISEMENT
Discussion about this post