बाँके भदौ १९ गते ।
नेकपा बाँकेका लोकप्रीय युवा नेता रत्न खत्रीलाई कोरोना संक्रमण पुष्टी भएको छ । युवा नेता खत्रीले आफ्नो फेसबुकमा कोरोना संक्रमण भएको संकेत गरेका छन् । खत्रीले कोरोना संगको लुकामारीमा अहिले कोरोनाले जितेको उल्लेख समेत गरेका छन् ।
नेता खत्रीले आफ्नो आत्मविस्वासले कोरोनासंगको अन्तिम खेलमा आफुले जितेर पुन: जनताको सेवामा खटिने बताएका छन् । कोरोना विरुद्धको अभियानमा सक्रियतापुर्बक लाग्नुभएका नेता खत्री आफै संक्रमणमा पर्नुभएको हो ।
उहाँमा कोरोनाको लक्षण भने देखिएको छैन । खत्री नेकपाको नेता तथा ब्यक्तिगत रुपमा कोरोना नियन्त्रणको अभियानमा सक्रिय रहेका थिए ।
पार्टीले नेता खत्रीलाई खजुरा गाउँपालिकाको फोकल पर्सन चयन गरेको छ ।
उहाँले कोरोना जसलाई पनि हुन सक्ने भएकोले सावधानी अपनाउन आग्रह गर्नुभएको छ ।
यस्तै बाँकेमा शुक्रबार एकैदिनमा ६० जनामा कोरोना संक्रमण भको छ । स्वास्थ्य कार्यालय बाँकेका कोरोना सम्पर्क ब्यक्ति नरेशबाबु श्रेष्ठका अनुसार शुक्रबार बाँकेमा आज दुई पटक गरि ६० जनामा कोरोना संक्रमण देखिएको छ । जिल्लाभर शुक्रबारसम्म एकहजार १९९ जनामा संक्रमण देखिएको छ ।
८०३ जना कोरोना जितेर घर फिर्ता हुनुभएको छ । ३९० जनाको आइसोलेसनमा उपचार भईरहेको छ । संक्रमित मध्ये ६ जनाको निधन भएको छ । शुक्रबार कोरोना जितेर २० जना डिस्चार्ज हुनुभएको छ ।
Discussion about this post