बाँके भदौ २६ गते ।
नेपालगन्ज उपमहानगरपालिका–७ का वडाअध्यक्ष जुम्मन खाँको अटेरी र लापरवाहीले बनेको कालोपत्रे सडक चार दिनमै भत्काउनु परेको छ । पिपलचौतारा नजिकैको सो बाटो निर्माण भएको चारदिनमै भत्काउनु परेको हो ।
बाटो निर्माण गर्ने क्रममै स्थानीयले त्यहाँ पानी लिक भएर सडकमा आइरहेको बताइएरहेका थिए । स्थानीय नसिम हलवाई पटकपटक भन्दा पनि अटेरी गरेर सडक बनाउँदा अहिले बनेको सडक तोड्नु परेको हो । सडक निर्माण गर्नेहरुले पनि नालाको पानी भन्दै सडक बनाए ।
तर खानेपानीको पाइप फुटेर सडक भरी पानी छरिएको छ । वडाअध्यक्षको जिद्धि र अटेरीका कारण समस्या समाधान नगरी नै सडक बनाएरै छाडियाे । आज त्यही बाटो फेरि भत्काउनु पर्ने अवस्था आयो । चार दिन अघि मात्रै करिव ४ सय मिटर बाटाे पिच गरिएकाे थियोे । बल्लतल्ल सडक बनेर खुसी भएका स्थानीय बाटो भत्काएर छाडिदिएपछि खिन्न् भएका छन् ।
नेपालगन्ज उपमहानगरपालिका र प्रदेश सरकारको बजेटबाट उक्त बाटो पिच भएको थियो । तर लाखौ रुपैयाँ लगानी गरेर बनाइएको बाटो वडाअध्यक्ष खाँका कारण चार दिनमै भत्काएर छाडिएको छ । स्थानीय भन्छन् हतार हतारमा गरेको कामले समय र बजेट बर्बाद भयाे ।
स्थानीय भन्छन्–काम गर्न आएका थिए, पछि हामीलाई काम नगर्नुहोस् भनेर फोन आयो भनेर निस्किए बाटो अलपत्र छ ।
Discussion about this post