बाँके असोज ४ गते ।
बाँकेमा कोरोना संक्रमण पुष्टि भएका थप एक जनाको मृत्यु भएको छ । नेपालगन्ज वडा नम्बर २१ का ५९ वर्षीय पुरुषको भेरी अस्पतालमा उपचारको क्रममा शनिबार राती ११.३० बजे मृत्यु भएको जिल्ला जनस्वास्थ्य कार्यालयका फोकल पर्सन नरेश श्रेष्ठले जानकारी दिनुभयो । भदौं २० गते उनको स्वास्थमा समस्या आएपछी उनी भेरी अस्पतालमा भर्ना भएका थिए ।
कोरोना संग मिल्दोजुल्दो लक्षण देखिए पछि त्यही दिन दिउसो १२ बजे स्वाब संकलन गरिएको थियो । भदौं २१ गते उनमा कोरोना संक्रमण पुष्टि भएको थियो। उपचारको क्रममा उनलाई प्लाज्मा थेरापी, हाइड्रोक्सिजेन सीपीएपी बाट उपचार गरिएको र भदौं २५ गते उनलाई रेडमिसिभर नामक औषधि चलाईएको थियो। उनको अवस्था बिग्रीँदै जाँदा उनलाई हिजो भेन्टिलेटरमा राखेको र सबै सम्भव उपचार दिँदा पनि उनको मृत्यु भएको भेरी अस्पतालले जनाएको छ ।
ति पुरुषको दुबै फोक्सोमा निमोनिया देखिएको र उपचारकै क्रममा मृत्यु भएको भेरी अस्पतालको सूचनामा उल्लेख छ । यो संगै बाँकेमा कोरोना संक्रमण बाट मृत्यु हुनेको संख्या १० पुगेको छ ।
Discussion about this post