बाँके असोज १२ गते ।
कोरोना संक्रमित एक महिलाको बाँकेमा मृत्यु भएको छ । होम आइसोलेशनमा बसेकी जाजरकोटको जुनीचाँदी वडा नं. ५ की ७६ वर्षीया महिलाको कोरोना संक्रमणका कारण सोमवार दिउँसो मृत्यु भएको हो ।
सिकिस्त विरामी भएपछि उपचारका लागि नेपालगञ्ज मेडिकल कलेज शिक्षण अस्पताल पुग्नै लाग्दा उनको मृत्यु भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो ।
असोज ६ गते कोरोना संक्रमणको पोजेटिभ रिपोर्ट आएकी महिला विगत केही दिनदेखि पित्त थैलीको विरामी रहेको बताइएको छ । बाँकेका प्रमुख जिल्ला अधिकार रामबहादुर कुरुम्बाङको समन्वयमा मृतक महिलाको शव व्यवस्थापनका लागि प्रक्रिया अघि बढाइएको छ ।
योसँगै बाहिरी जिल्लाबाट बाँकेमा उपचार गराउन आएका ७ जनाको मृत्यु भईसकेको कोरोना फोकल पर्सन श्रेष्ठले बताए ।
ADVERTISEMENT
Discussion about this post