बाँके असोज २० गते ।
तत्कालीन समाजवादीले धार्मिक संघसंस्थाहरु खोल्न स्थानीय प्रशासनसँग माग गरेको छ । तत्कालीन समाजवादी पार्टी जिल्ला अध्यक्ष कमरुद्दिन राईद्धारा जारी विज्ञप्तीमा विश्व स्वास्थ्य संगठनको मापदण्ड पालना गरेर धार्मिक संघसंस्था खोल्न माग गरिएको हो ।
विश्व ब्यापी रुपमा फैलिएको कोभिड –१९ कोरोनाबाट देशका जनताको स्वास्थयलाई मध्य नजर गर्दै नेपाल सरकारले २०७६ चैत्र ११ गतेबाट बिभिन्न स्वरुपमा बन्दाबन्दी गरेको अवस्थामा अहिले वर्तमान समयमा सरकारले बिश्व स्वास्थय संगठनको मापदण्ड अनुसार सम्पुर्ण सरकारी कार्यालय, औधोगीक ब्यवसायीक प्रतिष्ठान लगायत सार्वजनिक स्थल तथा हवाई यातायातसम्म सुचारु गरी सकेको धार्मिक संघसंस्थाहरु पनि खोल्नुको विकल्प नभएको जनता समाजवादी पार्टीले बताएको छ ।
विज्ञप्तीमा भनिएको छ १ गतेबाट सुरु हुने हिन्दुहरुको महान पर्व बिजयादश्मी ,दिपावली तथा छर्ठ पर्वको सु–अवसरमा पश्चिम नेपाल लगायत छिमेकी राष्ट्र भारत सम्मको हिन्दु धर्मको आस्था धरोहर शक्ति पिठ बागेश्वरी मंदिर लगायत अन्य अध्यात्म र धर्मसंग आश्था रहेका सम्पुर्ण मठ मंदिर ,मस्जिद,गुरुद्वारा,गुम्बा र चर्च बिश्व स्वास्थय संगठन मापदण्ड अनुसार यथासिघ्र खोल्न माग गर्दछौं ।
Discussion about this post