बाँके असोज २० गते ।
नेपालमा लकडाउन शुरु भएयता बाँकेमा मात्र ४० जनाले आत्महत्या गरेको प्रहरीले जनाएको छ । लकडाउन शुरु भएको चैत ११ गतेदेखि असोज १९ गतेको समय अबधिभित्र बाँकेका विभिन्न स्थानका ४० जना व्यक्तिहरुले आत्महत्या गरेको बाँके प्रहरीको तथ्यांकले देखाएको छ ।चैत ११ गतेदेखि असोज १९ गतेसम्ममा जिल्लामा दर्ता हुन आएका ४० वटा आत्महत्याका केस भएको जिल्ला प्रहरी कार्यालय बाँकेका प्रवक्ता एवं सूचना अधिकारी सुवास खड्काले बताए ।
खड्काका अनुसार बैशाखमा ७ जना, जेठमा १ जना, असारमा ११ जना, साउनमा ६ जना, भदौमा ६ जना र असोज महिनाको १९ गतेसम्म ९ जना गरी कुल ४० जनाले आत्महत्या गरेका हुन । कसैले झुन्डिएर र कसैले बिष सेवन गरेर आत्महत्या गरेको प्रहरी तथ्यांकमा देखिएको छ ।आत्महत्या गर्नेहरुमा १८ महिला र २२ जना पुरुष रहेको प्रनाउ खड्काले बताए ।
उनका अनुसार १० महिला र १८ पुरुष गरी २८ जना बिबाहित हुन भने ८ महिला र ४ पुरुष गरी १२ जना अविवाहित हुन । अविवाहित आत्महत्या गर्नेमा पुरुष भन्दा महिलाको संख्या दोब्बर देखिएको छ । मानसिक तनाव, प्रेम पीडा, घरासयी झगडा लगायतका कारणले आत्महत्या गर्नेको संख्या बढेको हो।
Discussion about this post