बाँके असोज २७ गते ।
बाल विवाह न्यूनिकरणमा पत्रकारको भूमिका बिषयक दुई दिने कार्यशाला नेपालगन्जमा सम्पन्न भएको छ ।सोमबारदेखि सुरु भएको कार्यशालामा कोभिड १९ को ख्यालगरी भौतिक दुरि कायम राख्दै महिला पत्रकार र पुरुष पत्रकारहरुलाई छुट्टाछुट्टै राखी प्रशिक्षित गरिएको थियो ।
बालविवाह न्यूनिकरणका लागि पत्रकारहरुको भूमिका महत्वपूर्ण हुने कार्यक्रमका सहभागीहरुले बताएका छन् । पछिल्लो समय बाँकेमा बालविवाह बढ्दै गएको भन्दै त्यसको रोकथामका लागि पत्रकारहरुले प्रभावकारी भूमिका खेल्नुपर्ने सहभागीहरु पत्रकारहरुले बताएका हुन् ।
कार्यशालामा स्याक नेपाल बाँकेका बाल विवाह रोकथाम परियोजनाका प्रबन्धक जगदिश थापाले बालबिवाह रोकथाममा पत्रकारहरुको महत्वपूर्ण भूमिका भएको बताए । जिल्लामा बालबिवाहका घटना बढ्दै गएकोले पत्रकारहरुले कार्ययोजनासहित आफ्ना सञ्चारमाध्यममा खोजमूलक समाचार सम्प्रेषण गरे बालविवाह न्यूनिकरण हुने विश्वास व्यक्त गरे ।
त्यस्तै, सहजकर्ता भीम अवस्थीले बालअधिकार र बाल संरक्षणका सवालहरु, स्थानीय सरकारमा हुनुपर्ने बाल संरक्षण सम्बन्धी संयन्त्रका बारेमा सहजीकरण गरेका थिए ।
दुई दिनसम्म सञ्चालन हुने कार्यशालामा बाल संरक्षण संयन्त्र सुदृढीकरण तथा सञ्चार क्षेत्रको भूमिकाबारे कार्ययोजना बनाएने कार्यक्रम रहेको छ । प्लान इन्टरनेशनल नेपालको सहयोगमा स्याक नेपालले आयोजना गरेको कार्यशालामा बाँकेका विभिन्न अनलाइन र रेडियोमा कार्यरत महिला पत्रकार र पुरुष पत्रकारहरुको उल्लेखनिय सहभागिता रहेको थियो ।
कार्यशालामा उपस्थिति सबै पत्रकारहरुले आज सम्म आफुहरुले बलविबाह न्युनीकरण गर्न खेलेको भूमिकालाई आगामी दिनहरुमा पनि सक्रिय रुममा लैजाने प्रतिबद्धता समेत गरेका थिए।
Discussion about this post