बालहिंसा रोक्न कोहलपुरमा टाक्सफोर्स बन्ने

बाँके कार्तिक २० गते ।
बालहिंसा रोक्न कोहलपुरमा टाक्स फोर्स बन्ने भएको छ । बालहिंसाका घटना बढ्न थालेपछि त्यसको रोकथामका लागि टास्कफोर्स बनाउन लागिएको उपप्रमुख सञ्जु कुमारी थारुले बताउनुभयो । थारुले लकडाउनका समयमा बालबालिकामा हुने बिभिन्न खाले हिंसाका घटना बढेको बताउनुभयो ।

बिहीवार कोहलपुर नगरपालिकाको वाल संरक्षण समितीको बैठकलाई सम्वोधन गर्दै उपप्रमुख एंव संरक्षण समिती संयोजक थारुले लकडाउन र महामारीका समयमा बाल बिवाह र बाल हिंसाका घटना बढेको जानकारी दिनुभयो । उहाँले बाल हिंसा रोक्न नगर स्तरीय टाक्स फोर्स गठन गर्ने बताउनुभयो ।

उहाँले सरोकारवालाहरुको सहभागीमा टाक्स फोर्स गठनको प्रस्ताव गर्नुभयो । टाक्स फोर्सले पिडीतलाई न्याय दिलाउन अग्रणी भुमिका खेल्ने उप प्रमुख थारुको भनाई छ । उपप्रमुख थारुले कोहलपुर नगर क्षेत्रमा रहेका बाल क्लव सञ्जाल र वडा बाल संरक्षण सञ्जाललाई सक्रिय बनाउने समेत बताउनुभयो ।

उप प्रमुख थारुका अनुसार कोहलपुर नगरपालिका वडा नं ८ बाहेक १४ वडामा वडा वाल स्तरीय वाल संरक्षण समिती गठन भई सकेका छन । हाल वडा अध्यक्षको नेतृत्वमा रहेको समितीलाई छिटै महिला वडा सदस्यको संयोजक रहने गरी पुर्न गठन गर्नु पर्नेमा उप प्रमुख थारुको जोड थियो ।