काठमाडौं कार्तिक २१ गते ।
मुम्बई इन्डियन्स लगातार दोस्रो वर्ष इन्डियन प्रिमियर लिग ९आईपीएल० क्रिकेटको फाइनलमा पुगेको छ । डिफेन्डिङ च्याम्पियन्स मुम्बईले बिहीबार एकतर्फी क्वालिफायर्स-१ मा दिल्ली क्यापिटल्सलाई ५७ रनले पराजित गर्यो । टस हारेपछि ब्याटिङमा आएको मुम्बईले ५ विकेट गुमाई २ सय रनको विशाल योगफल बनायो ।
दिल्लीले खाता खोल्नु अघि नै पृथ्वी श, शिखर धवन र अजिन्का राहनेलाई गुमाइसकेको थियो । अन्तमा २० ओभर खेलि ८ विकेट गुमाई १ सय ४३ रन बनाउनु दिल्लीलाई सान्त्वना मात्र बन्यो ।दिल्लीको अर्को बाटो फाइनलमा पुग्ने सम्भावना कायमै छ ।
शुक्रबार रोयल च्यालेन्जर्स बेङ्लोर र सनराइजर्स हैदराबाद बीच इलिमिनेटरको विजेताले दिल्लीसँग आइतबार क्वालिफायर्स २ मा खेल्ने छ । क्वालिफायर्स-२ को विजेताले मुम्बईसँग मंगलबार फाइनल खेल्ने छ । मुम्बईले गत वर्ष चेन्नई सुपर किंग्सलाई पराजित गरी उपाधि जितेको थियो ।ट्रेन्ट बोल्टले पहिलो ओभरमै श र धवनलाई आउट गरी डबल मेडन विकेट ओभर फालेका थिए ।
अर्को ओभरमा जस्प्रित बुमराहले राहनेलाई एलबीडब्लु आउट गर्दा दिल्लीको ३ विकेट गुम्दा कुनै रन थिएन । कप्तान श्रेयस ऐर १२ र ऋषभ पन्त पनि ३ रनमा आउट भए । मार्कुस स्टोइनिस र अक्षर पटेलले छैटौं विकेटमा ८१ रन जोडेपछि दिल्लीको स्कोर हेर्न लायक बनेको थियो ।बुमराहको बलमा बोल्ड हुनु पूर्व स्टोइनिसले ४६ बलमा ६ चौका र ३ छक्काको मद्दतले ६५ रन बनाए ।
पटेलले ३३ बल खेली २ चौका र ३ छक्कासहित ४२ रन जोडी खेलको दोस्रो अन्तिम बलमा आउट भए । म्यान अफ द म्याच बुमराहले ४ ओभरमा १ मेडन राख्दै १४ रन खर्चेर ४ विकेट लिए । बोल्टले २ ओभरमा १ मेडन राख्दै ९ रन खर्चेर २ तथा क्रुनाल पाण्ड्या र किइरन पोलार्डले १र१ विकेट लिए ।यसअघि क्विन्टन डी ककले डानियल साम्सलाई पहिलो ओभरमा १५ रन प्रहार गर्दै मुम्बईको उद्देश्य प्रस्ट पारेका थिए ।
तर अर्का ओभरमा आफूले सामना गरेको पहिलो बलमै कप्तान रोहित शर्मा आउट भए । उनलाई रवीचन्द्रन अश्विनले आउट गरे । डी ककले २५ बलमा ४०, सूर्यकुमार यादवले ३८ बलमा ५१, इशान किसनले ३० बलमा ५५ रन बनाए ।
पोलार्ड शुन्यमै आउट भए पनि हार्दिक पाण्ड्याले १४ बलमा ५ छक्कासहित अविजित ३७ रन बनाएपछि मुम्बईले विशाल लक्ष्य दियो । अश्विनले ४ ओभरमा २९ रन खर्चेर ३ तथा एनरिच नोकिआ र स्टोइनिसले १र१ विकेट लिए ।
Discussion about this post