खोजखबर संवाददाता बाँके असार ९ गते । बालबालिकाको अधिकार संरक्षण तथा सम्बर्धनको को लागि स्थानीय सरकारले बजेटको ब्यवस्था गर्नु पर्ने साथै बालिबालिकाको संरक्षणमा जोड दिनु पर्ने एक कार्यक्रमको सहभागीले बताएका छन् ।
प्लान इन्टरनेशल नेपालको सहयोगमा नेपालगन्ज उपमहानगरपालिकाको समन्वय र स्याक नेपालको आयोजनामा बाल अधिकार समितिका पदाधिकारीहरुका लागि २ दिने क्षमता अभिबृद्धि तालिममा सो कुरा बताएका हुन् ।
सो तालिममा नेपालगन्ज उपमहानगरपालिकाको बाल अधिकार समितिका पदाधिकारीहरुको सहभागिता रहेको छ । बालमैत्री वातावरण सृजना गर्न र बाल बिवाह न्यूनिकरण लागी बाल अधिकार पदाधिकारीहरुलाई २ दिने तालिम प्रदान गरिएको स्याक नेपालका परियोजना प्रबन्धक जगदिश थापाले जानकारी दिए । सो तालिमलाई नेपालगन्ज उपमहानगरपालिका अन्तर्गत महिला तथा बालबालिका शाखाका प्रमुख शोभा शाहले बाल संरक्षण नीति, बाल संरक्षण कोष, बालअधिकार समितिको काम कर्तब्यबारे प्रशिक्षण गर्नु भएको थियो ।
सो तालिममा नेपालगन्ज उपमहानगरपालिकाका उपमेयर उमा थापामगरले बालबालिकाको अधिकारको संरक्षणको लागि स्वयमं बालबालिका पनि चनाखो भई लाग्नु पर्ने र स्थानीय तहमा बजेटको ब्यवस्था मिलाउन माग गर्नु पर्ने बताउनुभयो ।
समाजमा बाल बिवाहले पार्ने नकारात्मक प्रभाव र कानूनी ब्यवस्थाका बारेमा जानकारी गराई बालबिवाह रोक्न अभिप्रेरित गर्ने, बालमैत्री र लैंगिक मैत्री बातावरण संचालन गर्नमा मद्धत पुग्ने लगायतका उदेश्यका साथ तालिमको आयोजना गरिएको स्याक नेपालका परियोजना अधिकृत विनिता श्रेष्ठ रानाले जानकारी दिइन् ।
Discussion about this post