बाँके पुस १७ गते ।
सुरक्षा अबस्थालाई मध्य नगर गर्दै बाँकेलाई सिसि क्यामराको निगरानीमा राखिएको छ । बाँकेका प्रहरी प्रमुख एसपी ओमबहादुर रानाको सक्रियता पहल र योजना अनुरूप बाँकेको नेपालगन्ज उपमहानगरपालिका, कोहलपुर नगरपालिकासँगै पुर्वपश्चि महेन्द्र र उत्तर र दक्षिण रत्नराजमार्ग तथा नेपालगन्ज गुलरिया सडकका विभिन्न स्थानमा सिसि क्यामरा जडान गरिएको छ । प्रहरीको सक्रियतामा जोडिएका सिसि क्यामरा सरकारी मापदण्ड अनुसार जडान छन ।
प्रत्येक घर, सडक चोक र कार्यालयहरुमा आजभोलि सिसि क्यामरा जडान गर्ने लहर नै चलेको छ । चाहे त्यो सानो मोबाइल पसल नै किन नहोस, सुरक्षा सर्तकताका निम्ति सहज हुने भएकाले पनि सिसि क्यामरा तर्फको आकर्षण दिनहुँ बढ्दो छ । बाँकेमा अहिले ७६ वटा सिसि क्यामरा सरकारी मापदण्ड अनुसार जडान गरिएका छन् । तर, यहाँ तीन सय क्यामरा मापददण्ड विपरित जडान गरिएको छ । बाँके प्रहरीको सक्रियतामा जडान गरिएका ७६ वटा क्यामराले मापदण्ड पुरा गरेका छन् । नेपालगन्जका अतिव्यस्त स्थानहरुमा अवान्छित गतिबिधि हुन नदिन र भएको अवस्थामा तत्कालै समाधान गर्ने उद्देश्यले नेपालगन्ज नगरलाई सिसि क्यामेराको निगरानीमा रखिएको हो ।
नगरका अतिव्यस्त स्थानको रुपमा रहेका १६ ठाउँमा ५६ वटा सिसि क्यामेरा जडान गरिएको थियो । पछि कही ठाउँमा थपगरि अहिले ७६ वटा राखिएको बाँकेका प्रहरी प्रमुख एसपी ओमबहादुर राना बताउँछन् । सिसि क्यामराका कारण शहरमा हुने दुर्घटना र आपराधिक घटनामा न्यूनिकरण आउनुका साथै यस्ता गतिविधी गर्ने जोकोही पनि कानूनी कारवाहीबाट उम्कन नसक्ने एसपी राना बताउँछन् । जस्तोसुकै अपराधी पनि पत्ता लगाउँन सकिने भएकोले शहरमा मात्रै नभई बाँकेभरी नै सिसि क्यामरा आबश्यक रहेको भन्दै यसरी जिल्लामा क्यामरा जडान गरिएको उनी बताउँछन् ।
उनकाअनुसार बाँकेका आठवटा मध्ये बैजनाथ र डुडुवा गाउँपालिकामा भने सिसि क्यामरा जडान आबश्यकता अनुसार हुन सकेको छैन ।यी स्थानीय तहमा सहित अझै बाँकेमा एक सय जति सिसि क्यामरा जडानको जरूरी देखिएको छ । यसका लागि स्थानीय ततहको उदासिनता रहेपनि बाँके प्रहरीले पहल गरिरहेको छ ।
Discussion about this post