बाँके माघ ९ गते ।
तिब्र गतिमा मोटरसाइकल चलाउने कार्यलाई निरुत्साहित गर्न शुक्रबार नेपालगञ्जमा आयोजना गरिएको स्लो मोटरसाईकल प्रतियोगितामा आशिष श्रेष्ठ पहिलो भएका छन् ।
यस्तै रितेश मल्ल दोस्रो भए भने सन्दीप यादव तेस्रो भए । राजु नागले सान्त्वना उपाधी हात पार्न सफल हुँदा
अम्बिका काफ्ले उत्कृष्ट महिला सहभागी घोषित भइन् । प्रतियोगिताको विजेताले १०,१०० द्धित्तिय हुनेले ५,१०० तृतिय हुनेले ३,१०० र सान्त्वना हुनेले २,१०० नगद पुरस्कार प्रदान गरिएको छ ।
प्रतियोगिताको पूर्वमन्त्री मोहम्मद इस्तियाक राइले उद्घाटन गर्नुभएको थियो । त्यसअवसरमा बोल्दै उहाँले यो प्रतियोगीताले तीब्र गतिबाट हुने सवारी दुुर्घटनालाई न्यूनिकरण गर्न ठूलो सहयोग गर्ने बताउनुभयो ।
ट्राफिक नियममा रहेर सवारी साधान चलाउने शन्देश प्रवाह गर्न स्लो मोटरसाईकल प्रतियोगिता गरिएको आयोजकले जनाएको छ । जिल्ला ट्राफिक प्रहरी कार्यालय र सक्सेस फोरमको संयुक्त सहकार्यमा आयोजना हुन लागेको प्रतियोगितामा ५० बढी युवाले सहभागीताका जनाएका थिए ।
फोरमका महासचिव बामदेव पोखरेलले सवारी दुर्घटना कार्य न्युनिकरणमा यस्ता कार्यक्रमले सहयोग पुर्याउने आशासहित यो कार्यक्रम गरिएको बताउनुभयो । २०६८ सालबाट यसखाले प्रतियोगिताको शुरुवात गरेको संस्थाले यो छैठौं सस्करण सफलतापूर्वक सम्पन्न गरेको अध्यक्ष सुर्यमणि पोडेलले जानकारी दिनुभयो ।
भिडियो सहित
Discussion about this post