बाँके माघ १२ गते ।
नेपालगन्जको हडिया बाबा मन्दिर र नेपालगंज इदगाहको शौन्दर्यकरण हुने भएको छ । पूर्वमन्त्री मोहम्मद इश्तियाक राइको पहलमा हडियाबाबा मन्दिर र इदगाहको सौन्दर्यकरण हुने पक्का भएको हो । त्यसका लागि ठेक्का आव्हान भइसकेको जसपाका नगरअध्यक्ष श्रवण यादवले जानकारी दिनुभयो ।
आफ्नो फेसबुकमा स्टाटस लेख्दै उहाँले बाँकेको सर्वाङ्गीण विकासका निम्ति सबै धर्म, साँस्कृति, बाटोघाटो,पूल पुलेसा, नगर भवन, अस्पताल, मठमन्दिर, गुरुद्वारा, मस्जिद मदरसा विद्यालय जस्ता निर्माण गर्नमा पूर्वमन्त्री राइको अहम भूमिका रहेको सर्वविदित नै छ।
यथास्थितिबादी सोचका केही राजनितिककर्मीले जसपा नेपालका निर्वाचित बाँकेका प्रतिनिधि ले केही विकास निर्माण गरेनन् भन्दै दुष्ट प्रचाप्रसारमा गरेकोमा उहाँले आपत्ती जनाउनुभएको छ । लकडाउनमा बाँकेमा सिंगो पार्टीका नेताकार्यकर्ता पुर्बमन्त्री सहित सक्दो सहयोगमै अग्रसर बनेको पनि उहाँले स्मरण गराउनुभयो ।
कोभिड महामारीमा पनि पूर्वमन्त्री राइले ठूलो सहयोग गरेका छन् । उनले कोभिड रोकथाम, नियन्त्रण र निदानका लागि व्यक्तिगत पहलमा ६० लाख रुपैयाँ खर्चिएका छन् । राहत वितरणदेखि सुरक्षाकर्मी, स्वास्थ्यकर्मीलाई स्वास्थ्य सुरक्षाका थुप्रै सामाग्री प्रदान गरेका छन्।
Discussion about this post