बाँके माघ १७ गते ।
माघको पहिलो सातादेखि सुरु भएको चिसोका कारण जनजीवन अस्तव्यस्त भएको छ । चिसो र शितलहरले मानिसहरु घरबाट बाहिर निस्कन सकेका छैनन्। दैनिक रोजीरोटी गरेर जीविकोपार्जन गर्नेहरुलाई चिसोले सकस बनाएको छ । विपन्न तथा गरिव परिवारलाई चिसो छल्नै मुस्किल परेको छ ।
जेष्ठ नागरिक र बालबालिकाको विचल्ली भएको छ । चिसोले नगरबासीको विजोग हुँदा समेत आफुलाई विकासप्रेमी र जनताप्रेमी भन्न रुचाउने मेयर धवल शम्शेर राणा र उपमेयर उमा थापामगरलाई भने कुनै मतलव र चासो छैन् । अफिसमा आफुहरु हिटर तापेर बसिहाल्छन्, हिडनु परे गाडी छदै छ घरमा हिटर छ उनीहरुलाई चिसोको पीडा कस्तो हुन्छ के थाहा ? यीनै जनताले भोट दिएर जिताएका उनीहरु अहिलेपनि जनताको पीडाबारे बेखवर जस्तै बनेका छन् ।
नेपालगन्ज उपमहानगरपालिकाले १० दिन अघि चिसोमा नगरबासीलाई जोगाउन दाउरा र जेष्ठ नागरिकलाई कम्मवल वितरणका लागि ५ लाख बजेट बिनियोजन गरेको थियो । उक्त बजेट चोकचोकमा वडामार्फत दाउराको व्यवस्थापन गरिएको, ज्येष्ठ नागरिकलाई न्यानो कपडाको व्यवस्थापन गरिने भनेपनि अहिलेसम्म त्यसको टुंगो छैन् ।
हिंजोआज दाउरा र न्यानो कपडा नदिएर उपमहानगरपालिकाले चैतमा दिने हो ? एकजना जेष्ठ नागरिक भन्दै थिए । उपमेयर थापाको भनाई अनुसार जिल्ला वन कार्यालयलाई पत्र पठाईएको छ, उसले आज–भोलीमा दाउरा दिने भनेर भनेको उपमेयर थापा बताउँछिन् ।
Discussion about this post