खोजखबर संवाददाता
बाँके भदौ २४ गते । कोहलपुर नगरपालिकाले गोरखा युनाइटेड पब्लिक स्कुल र त्रिभुवन नमूना माध्यमिक विद्यालयलाई गत बर्षको नतिजा अनुसार उत्कृष्ट विद्यालय पुरस्कार प्रदान गरेको छ ।
४०औं राष्ट्रिय शिक्षा दिवस तथा ५३ औं अन्तर्राष्ट्रिय साक्षरता दिवसको अवसरमा नगरपालिकाले कोहलपुरमा आयोजना गरेको एक कार्यक्रममा संस्थागत विद्यालयबाट गोरखा र सामुदायिक विद्यालयबाट त्रिभुवन माविलाई जनही १५ हजार नगदसहित पुरस्कृत गरेको हो ।
गत आर्थिक वर्षको एसईई परीक्षामा ल्याएको नतिजाको आधारमा पुरस्कृत गरिएको हो । गोरखाले गत वर्षमा एसईईमा ११८ जना र त्रिभुवन माविबाट २ सय ६७ विद्यार्थी सहभागी भइ जिल्लामै उत्कृष्ट नतिजा ल्याउन सफल भएका थिए ।
नगरपालिका भित्र रहेका उत्क्ष्ट नतिजा ल्याउने विद्यालयहलाई हरेक बर्ष नगरपालिकाले पुरस्कृत गर्ने योजना बनाएको जनाउँदै नगरपालिकाका मेयर लुट बहादुर रावतले सो कार्य आगामी बर्षमा पनि गरिने बताउनु भयो ।
उहाँले शिक्षाको विकासमा प्रोत्साहन स्वरुप सो पुरस्कार प्रदान गरिने कार्यक्रम राखिएको बताउनु भयो ।
Discussion about this post