बाँके माघ ३० गते ।
सिंकटा सिंचाइँ आयोजनाको काम यहि बर्ष पूरा हुनु पर्ने हो । तर अहिलेसम्म ५० प्रतिशतमात्र काम सम्पन्न भएको छ । अब यति काम पुरा गर्न आयोजनासँग पाँच महिनाको समय मात्रै छ । अहिलेको कामको गति हेर्दा उक्त समयमा आयोजना पुरा हुन सक्ने देखिदैन । योजनाको अहिलेसम्म राप्ती नदिमा पुल सहितको बाध निर्माण गरेको छ । पश्चिम मूल नहर ४५ किलोमिटर निर्माण कार्य सकिएको छ । पूर्वी मूल नहरको ५० प्रतिशत काम सकिएको छ ।
योसँगै करिब ७ हजार हेक्टरमा सिंचाइ सुविधा पुगेको छ । यो रेकर्डअनुसार पनि अझै आयोजनाको धेरै काम निर्माण गर्न पर्ने देखिएको छ । आर्थिक वर्ष २०६१÷६२ बाट निर्माण शुरु भएको सिक्टा सिंचाइ आयोजना यसै वर्ष सक्ने संशोधित लक्ष्य छ । यसअघि २०७१÷०७२ मा सक्ने अनुमान थियो । शुरुमा दातृ निकायसँगको आर्थिक सहयोग पाउन ढिला भएकाले यसको निर्माण कार्यअवधि पनि लम्बिदै गएको राष्ट्रिय योजना आयोग बताउँदै आएको छ ।
आयोजना निर्माण पश्चात ४२ हजार ७ सय ६६ हेक्टर सिंचाइ सुविधा पुग्ने अनुमान छ । १२ अर्ब ८० करोड प्रारम्भिक लागतको अनुमान गरिएकोमा संसोधित गुरुयोजना पछि यसको लागत बढेको छ । यस आयोजनाका लागि चालु आर्थिक वर्षमा २०७७÷७८मा १ अर्ब ५५ करोड ७४ लाख बजेट छुट्याइएको छ । पुस मसान्तसम्म ३४ करोड ९५ लाख रुपैयाँ खर्च भएको छ । झन्डै ३१ अर्बको लगानीमा बाँकेमा निर्माण भइरहेको सिक्टा सिंचाई अयोजनाको ५० प्रतिशत काम बाँकी छँदै विभिन्न चुनौतिहरु देखा परेका छन् ।
Discussion about this post