बाँके माघ ३० गते ।
नेपालगन्जमा बिहिबारदेखि संचालित अनलाईन बिजिनेस फेस्टिबल दोस्रो दिनपनि जारी छ ।
मिठो छ फुड प्रालिको आयोजनामा शनिवारसम्म संचालन हुने फेस्टिबलमा दोस्रो दिनपनि अवलोकन गर्नेहरुको संख्या उल्लेख्य बढेको छ ।
फेस्टिबलमा राखिएका बिभिन्न परिकार खान पाईने स्टलहरुमा पुगी दर्शकहरुले त्यसको स्वाद लिएका छन । त्यस्तै अवलोकनकर्ताहरुले चासो राख्दै अनलाईन बिजिनेश सम्बन्धी जानकारीहरु पनि लिएका थिए । फेस्टिबलमा आएका बिद्यार्थीहरुले शैक्षिक सामाग्री राखिएका स्टलहरुमा गएर बिभिन्न बिषयमा जानकारी समेत लिएको आयोजक संस्थाका प्रमुख सौभाग्यजंग शाहले जानकारी दिनुभयो ।
यसैबीच फेस्टिबलमा सहभागी प्रयास फाउण्डेशनलाई बाँकेको रझेनास्थित गोरखा युनाईटेड स्कुलका पुर्ब बिद्यार्थीहरुको संस्था गुप्स अलुमिनी एशोसियसनले २० हजार रुपैया सहयोग हस्तान्तरण गरेको छ । आर्थिक रुपले बिपन्न ३० जना बालबालिकालाई प्रयास फाउण्डेशनले निःशुल्क शिक्षा प्रदान गरिरहेको छ ।
गुप्स अलुमिनी एशोसियसनका संदिपजंग शाहले सो रकम हस्तान्तरण गर्नुभएको थियो । कोभिड–१९ महामारीका कारण संसारका हरेक क्षेत्र पछाडि परिरहेको अवस्थामा यस्ता किसिमका फेस्टिबलको आयोजनाले केहि मात्रामा भएपनि सबैलाई राहत पु¥याउने आयोजकले बिश्वास लिएको छ ।
Discussion about this post