बाँके फागुन ८ गते ।
नेकपाका नेता दलवहादुर सुनारले प्रधानमन्त्री केपी शर्मा ओली सिंहदरबारबाट बाहिरिने दिन नजिक आएको बताउनुभएको छ । प्रेस संगठन बाँकेको जिल्ला भेलालाई शनिबार नेपालगञ्जमा सम्बोधन गर्दै सुनारले अदालतबाट प्रतिनिधीसभाको पुनस्र्थापना नभए सडक आन्दोलनबाटै संसद पुनस्र्थापना गरिने दावी गर्नुभयो ।
संबिधानसभा सदस्य समेत रहेका उहाँले प्रतिगमन र असंवैधानिक कदम आम नेपालीले स्वीकार गरेका छैनन, जिल्ला भेलामा सुनारले भन्नुभयो,– अहिले अरुलाई अपमान गर्दै नियुक्ती बदर गर्ने ओली आफै बालकोट आउने दिन धेरै बाँकी छैनन ।
उहाँले नेकपा विभिजित हुनुमा प्रधानमन्त्री ओलीसँगै पार्टीका उपाध्यक्ष वामदेव गौतमको पनि प्रमुख भूमिका रहेको बताउनुभयो ।
भेलामा नेकपा बाँकेका सचिव अशोक कोइराला, प्रदेशसभा सदस्य कृष्ण केसी, नेकपा प्रदेश कमिटीका सदस्य नरेन्द्र न्यौपानेले प्रतिनिधीसभा विघटन असंवैधानिक भएको बताउनुभयो । भेलाले राजेश आचार्यलाई सहसंयोजकको जिम्मेवारी दिएको छ ।
भेलाले ३७ जनालाई जिल्ला कार्यसमितिको सदस्यमा मनोनित गरेको छ ।
भेलामा प्रेस संगठनका केन्द्रीय सदस्य गोविन्द शर्मा र प्रदिव वाग्ले, केन्द्रीय अनुशासन आयोगका सदस्य सुशील शर्मा, लेखा आयोगका सदस्य सिराज खान, अग्रज पत्रकार गणेश जिसी, अजय गुप्ता, अवधी पत्रकार संघ बाँकेका अध्यक्ष चन्द्रेश्वरराज त्रिपाठी शुभकामना व्यक्त गर्दै पत्रकारको हकहितका लागि संगठनले नेतृत्वदायी भूमिका निर्वाह गर्नुपर्नेमा जोड दिनुभयो ।
प्रेस संगठन बाँकेका अध्यक्ष डक्ट धितालले बाँकेको पत्रकारिताको विकासमा संगठनले निरन्तर अगुवाई गर्दै आएको बताउनुभयो ।
नेपालगञ्ज सम्पन्न भएको भेलाले अनलाइन खोजखबरकर्मी ताहिर शेष (साहिल), वसिम अन्सारी, जाहगिर अन्सारी, त्यस्तै चन्दा सिंह, शिवराज साहु, इरफान अलि (अरसद अलि रङ्गरेज), सलामत अलि, युसुब अन्सारी, सहित ३७ जनालाई संगठनको जिल्ला सदस्यमा मनोनित गरिएको छ ।
Discussion about this post