बाँके फागुन १० गते ।
बाँकेमा चितवाको छालासहित तीन जना पक्राउ परेका छन् । सल्यान बाघचौर नगरपालिका ३ वस्ने जित बहादुर डिसी, कुमाख गाउँपालिका ७ वस्ने कमल डि सी र सोही ठाउँ बस्ने हिमेन्द्र वली पक्राउ परेको बाँकेका एसपी ओम रानाले जानकारी दिनुभयो ।
राप्तीसोनारी गाँउपालिकाको वडा एरिया हुदै चितुवाको छालाको ओसारपोसार भईरहेको भन्ने सूचना प्राप्त भएको आधारमा कुसुम स्थित सडक खण्डमा शंकास्पद देखिएपछि उनीहरुलाई चेकजाँच गरिएको थियो ।
त्यहीक्रममा जितबहादुरले बोकेको कालो रंगको झोला भित्र दुई थान चितवाको छाला बरामद भएको हो । उनीहरुमाथि थप अनुसन्धान भइरहेको प्रहरीले जनाएको छ । उनीहरु कारोवारी रहेको खुलेको छ।
१० लाख भारतीय रुपैयाँसहित पक्राउ व्यक्तिलाई प्रहरीले गर्यो आज सार्वजनिक
नेपालगन्जबाट दश लाख भारतीय रुपैयाँसहित एक जना पक्राउ परेका छन् । नेपालगन्जको भन्सार चेकपोस्टमा चेक जाँचका क्रममा नेपाल प्रहरी र सशस्त्र प्रहरीको संंयुक्त टोलीले भारतको दिल्ली बसोबास गर्दै आएका ५४ बर्षीय मुनवर खानलाई पक्राउ गरिएको बाँकेका एसपी ओम रानाले जानकारी दिनुभयो ।
उहाँका अनुसार, ती व्यक्तीले नेपालमा प्रतिबन्धित दुइहजार र पाँच सय रुपैयाँका भारु रुपैयाँ लिएर आएका थिए । उनलाई आवश्यक चेकजाँचका क्रममा पक्राउ गरिएको आज पत्रकारसम्मेलनमार्फत जानकारी दिइएको छ । पक्राउ परेका खान र दश लाख भारतीय रुपैयाँलाई आबश्यक अनुसन्धानका आज राजस्व अनुसन्धान कार्यालय कोहलपुर बुझाइएको छ।
डेढलाख नगदसहित ९ जुवाडे पक्राउ
नेपालगंज उपमहानगरपालिका वडा नं। २ बौद्ध टोलबाट ९ जना जुवाडे पक्राउ परेका छन् । उनीहरुबाट प्रहरीले १ लाख ५० हजार १ सय ६५ रुपैयाँ बरामद गरेको छ । स्थानीय भुट्टु मियाको घर कोठामा हारजित हुने गरि जुवातास भईरहेको भन्ने सूचनाको आधरमा जिल्ला प्रहरी कार्यालय मातहतमा रहेको वडा प्रहरी कार्यालयबाट खटिएको प्रहरी टोलीले छापा मारेको थियो । त्यसक्रममा भुट्टु मियासहित ९ जना लाई पक्राउ गरिएको हो । उनीहरुमाथि अनुसन्धान भइरहेको छ । योसँगै बाँके प्रहरीले चालु आर्थिक वर्षा ३५ जना जवाडेलाई पक्राउ गरि कारवाही गरेको छ । उनीहरुबाट ३ लाख ४८ हजार ६ सय १५ रुपैयाँ बरामद गरिएको छ ।
Discussion about this post