बाँके फागुन ११ गते ।
कोहलपुरमा भूमिहिनहरुको आन्दोलन अझै पनि जारी छ । बसाइ सराइ दर्ताको माग गर्दै उनीहरु धर्नामा छन् । कोहलपुर ११ को शान्ति नगरकी बिमला परियार बिगत ३ दिन देखि कोहलपुर नगरपालिकामा धर्नामा छिन । परियार मात्रै होईन कोहलपुर ११ शान्तिनगरका भण्डै ७ सय घर परिवार बिमला जस्तै धर्नामा बसेका छन ।
शान्तिनगरवासीहरु राज्यले पुरा गर्न नसक्ने कुनै माग लिएर धर्नामा बसेका होईनन् । उनिहरु संबिधानमा मौलीक हकका रुपमा कायम रहेको व्यक्तिगत घटना दर्ता अर्थात बसाई सराई दर्ता गरिदिन माग गर्दै धर्नामा बसेका हुन । कोहलपुर ११ शान्तिनगरमा २०५६ साल देखि आफुहरु बसोवास गर्दै आएको भएपनि कोहलपुर नगरपालिकाले आफुहरुको बसाई सराई दर्ता नगरिदिएको शान्तीनगरवासीको गुनासो छ ।
अव्यवस्थित भुमिहीन तथा सुकुम्वासी समिती कोहलपुर ११ बाँकेका अध्यक्ष जिवन थापा मगरले सर्बेच्च अदालतले समेत बसाई सराई दर्ता गरिदिन निर्देशन दिएको भएपनि स्थानिय सरकारले अटेरी गरेको बताए । उनले बसाई सराई नहुदा आफुहरु भुमिहीनको लागत संकलन फारम समेत भर्न नपाएको बताए । दैनिक ज्यालादारी मजदुरी गरेर जिबिको पार्जन गर्दै आएको सो बस्तीका भुमिहीन तथा सुकुम्वासीहरु धर्नामा बसेको भएपनि कोहलपुर नगर सरकार र वडा सरकार भने कानमा तेल हालेर बसेको छ ।
कोहलपुर नगरपालिकाका कारण स्थानिय स्तरमा बनेको भुमि समस्या समाधान आयोगमा फारम भर्न नपाएको संघर्ष समितीका संयोजक तिलक सिजापतीले बताए । उनिहरुले कोहलपुर नगरपालिकाले वास्तबिक भुमिहिन र दलितलाई पाखा लगाउन बसाई सराई दर्ता नगरिएको उनिहरुको भनाई छ ।
संघर्ष समितीका संयोजक तिलक सिजापतीले आफुहरुको बसाई सराई दर्ता गरेर भुमिहिनको लगत संकलन कार्यमा सहभागि नगराउदासम्म अन्दोलन जारी रहने बताए । कोहलपुर नगरपालिका र ११ नं। वडा कार्यालयमा संयुक्त रुपमा धर्ना दिदैं आएका शान्तिनगरवासीले माग पुरा नभएसम्म धर्ना जारी रहने बताएका छन ।
Discussion about this post