सांसद अथकद्वारा आफ्नो निर्वाचन क्षेत्रका बिकासे आयोजनाको अनुगमन

बाँके फागुन १६ गते ।
प्रतिनिधिसभा सदस्य महेश्वर गहतरज अथकले बाँके क्षेत्र नम्बर १ का विभिन्न योजनाको अनुगमन गर्नु भएको छ। ती बिकासे आयोजनाको स्थलगत निरीक्षण गर्दै उहाँले तत्काल पुर्णता दिन सम्बन्ध सरोकारवालालाई निर्देशन दिनु भएको छ।

उहाँले मोरङगा खोला पुल, कचनापुर बिनौना जोड्ने राप्ती नदि पुल,अगैया फत्तेपुर जोड्ने हुलाकी सडक, जनता तटबन्ध द्वारा निर्माणधिन तटबन्ध लगायतका आयोजनाहरुको स्थलगत निरीक्षण गर्नु भएको थियो । सोही निर्वाचन क्षेत्रबाट प्रतिनिधिसभामा विजयी हुनु भएका उहाँले बिकास निर्माणको सवालमा कसै संग सम्झौता नगरिने स्पष्ट पार्नु भयो ।

कामलाई गतिशील बनाएर तोकिएकै समयमा सम्पन्न गर्न उहाँको निर्देशन छ। उहाँले आफु सांसद भएपछि यो क्षेत्रमा विद्युतिरणदेखि, सिक्टा सिंचाई आयोजना लगायत सडक र पुलहरुको धेरै काम भएको जनाउँदै अझै विकास निर्माणका कामहरु तिव्र रुपमा चलिरहेको बताउनुभयो ।प्रतिनिधिसभाको समय पुरा नहुँदै सो लाई विघटन गरिएको बेला आफ्नो निर्वाचन क्षेत्रमा भैरहेका कामहरु अधुरानै रहने हुन् कि भन्ने चिन्ता लागेकोमा प्रतिनिधिसभा पुनस्थापना भएपछि विकासका कामहरु पुरा हुने निश्चित भएको उहाँले बताउनुभयो ।

अनुगमनको क्रममा निर्माण कम्पनीका प्रतिनिधिहरुलाई भेटेर सांसद अथकले कुनै पनि हालतमा कामलाई रोक्न नपाइने जनाउँदै कामलाई तिव्र पार्न तथा कुनै समस्या आएमा खबर गर्न आग्रह गर्नुभयो । उहाँले समयमा कामलाई पुरा गराउन आफु दिनरात खटिएको पनि बताउनुभयो ।