बाँके फागुन १६ गते ।
जनमत पार्टीले नेपालगन्जको जमुनाह नाकामा सवारीसाधन सहज तरिकाले आउजाउ गर्ने वातावरण बनाउन स्थानीय प्रशासनसँग माग गरेको छ । पार्टीका केन्द्रीय सदस्य इरफान अहमद शेषसहितको टोलीले आज बाँकेका प्रमुख जिल्ला अधिकारी रामबहादुर कुरुम्वांगलाई ज्ञापनपत्र बुझाउँदै यस्तो माग गरेको हो ।
कोरोना भाइरस महामारीको जोखिम कम भइसकेकाले नाकालाई सहज बनाउनु पर्ने माग जनमत पार्टीको छ । गृहमन्त्रालयले समेत भारत र चीनसँग जोडिएका नाकाहरु खुल्ला गरिसकेकाले बाँके प्रशासनले पनि नेपालगन्जको जमुनाह नाका तत्काल सहज बनाउनु पर्ने माग गरेको थियो । जमुनाह नाकामा मानिसहरुलाई आउजाउ गर्न दिइएको भएपनि सवारीसाधनमा भने रोक लगाइएको छ ।
भारतीय सवारीसाधन भने निर्वाधरुपमा आउने गरेका छन्। नेपाली सवारीसाधनलाई भने भारतीय बजार रुपैडिया समेत प्रवेश छैन् । नेपाली प्रहरीले समेत सवारीसाधन नाकामै रोकिदिने गरेका छन् । भारतसँग रोजीरोटी देखि चेलिबेटीसम्मको सम्बन्ध रहेका कारण नाका तत्काल सहज बनाउनुको विकल्प नभएको शेषले बताउनुभयो ।
बाँकेका अधिकांश पुरुषले भारतबाट विहे गरेका छन् भने महिलाले भारतीय पुरुषसँग विहेवारी गरेका छन् । यो बर्षौदेखिको चलन हो । र, अहिलेपनि चल्दै आएको छ । विहेवारीका गाडी समेत सहज तरिकाले जान आउन नपाइएपछि जनमत पार्टीले नाकालाई व्यवस्थित र सहज बनाउन सिडियोको ध्यानाकर्षण गराएको हो ।
Discussion about this post