बाँके फागुन १७ गते ।
डुडुवा- विगत बर्षझै यस बर्ष पनि बाँकेको डुडुवा गाउँ पालिका वडा नम्बर ३ बनकट्टी हलबलडोलीमा रहेको मियागञ्जमा धार्मिक मेला आज सोमबार देखि सुरु भएको छ । मेलाको उद्घाटन फिरोज अहमद शाहले गर्नु भएको थियो। मेला स्थलमा पुग्नु भएका जनमत पार्टीका केन्द्रिय सदस्य इरफान अहमद शेषले यो धार्मिक मेलाले सामाजिक सद्भाव कायम गरेको बताउनु भयो ।
उहाँले यो दरगाह हलबलडोलीको सान र पहिचान भएको पनि बताउनु भयो । यो मेला सबैको आस्था र बिस्वासको धरोहर हो उहाँले भन्नू भयो- यस्को महत्त्व र पहिचानलाई अझै माथी उकास्ने हो भने धार्मिक पर्यटन बनाउन सकिन्छ । बर्षौ देखि लाग्दै आएको यो मेलामा आफ्नो तर्फबाट सहयोग र साथ दिने प्रतिबद्धता उहाँले जनाउनु भयो । मेलाको पहिलो दिन शेषको साथमा रियाज अन्सरी, जाबिर हलवाइ, मेराज अन्सारी पुग्नु भएको थियो ।
मेलाको पहिलो दिनमा राती जलसाको कार्यक्रम हुने भएको छ । जलसामा भारतको विभिन्न जिल्लाबाट मेलालाई भव्य रुपमा सफल बनाउनका लागि धर्म गुरुहरु आउने भएका छन । मेला फागुन १७ गतेदेखि चार दिनसम्म लागनेछ । बनकट्टीमा रहेको सुफी सन्त हजरत ईब्राहिम खलिल अहमद शाहको उर्समा लाग्ने मेलामा विभिन्न धार्मिक कार्य हुने मेलाका संचालक इसराक अहमद शाहले जानकारी दिनुभयो ।
मेलामा १८ गते बेलुकी कौवाली र १९ गते बिहान् गागर, २० गते अन्तिम दिन चादर चढाउने कार्य हुन्छ , मेला संचालक गद्दी नशिन शाहले बताउनुभयो ।
Discussion about this post