ताहिर शेष राई, सहिल
बाँके चैत २ गते ।
नेकपा नेपाल समुहका नेता दलबहादुर सुनारले नेकपा एमालेको सच्चा कार्यकर्ता बनेर पार्टीलाई एक ढिक्का बनाउन नेतृत्वलाई सुझाव दिनु भएको छ । नेकपा एमाले (माधव नेपाल समुह) को बाँके जिल्ला भेलालाई आज नेपालगन्जमा सम्बोधन गर्दै नेता सुनारले सो कुरामा जोड दिनुभएको हो ।
पार्टी एकताका बेला आफुलाई सबैले जिम्मेवारीबाट च्युत गरेको पीडा सुनाउदै उहाँले आफू त्यही पनि एमाले-एमाले भन्दै हिडेको बताउनु भयो । पुर्बराज्यमन्त्री समेत रहेका सुनारले सर्बोच्चले नेकपा एमाले ब्युताएकाले अब पार्टीलाई एक ढिक्का बनाउने जिम्मेवारी पार्टी अध्यक्ष केपी शर्मा ओलीको काधमा आएको उल्लेख गर्नु भयो । भेलालाई सम्बोधन गर्दै उहाँले पार्टीमा एकलौटी निर्णय कसैकालागी स्वीकार्य हुन नसक्ने धारणा व्यक्त गर्नु भयो ।
भेलालाई सम्बोधन गर्दै जिल्ला अध्यक्ष अशोक कोइरालाले कुनै ब्यक्तीको बलमा पार्टी नचल्ने भन्दै सबैलाई मिलाएर लैजान केपी ओलीलाई सुझाव दिनुभयो। पार्टीलाई एकताबद्ध र अनुशाशीत तरिकाले अगाडि बढाउन छाडेर प्रधानमन्त्री समेत रहेका अध्यक्ष ओलीले आफ्नो पेवा सम्झेको भन्दै दुख व्यक्त गर्नु भयो । ओलीले पार्टीलाई तहसनहस पार्ने काम गरेको टिप्पणी गर्नु भयो ।
यस्तै पार्टीका जिल्ला उपाध्यक्ष निरक गुरुङले पार्टीलाई अध्यक्ष ओलीले गुटमा परिणत गराएको भन्दै आपत्ति जनाउनुभयो ।उहाँले यहि अबस्थामा पार्टी नचल्ने चेतावनी दिनु भयो ।
जिल्ला सचिव रत्न खत्रीले ओलीबादका कारण पार्टीमा ठूलो संंकट आएको दाबी गर्नु भयो । खत्रीका अनुसार एमालेको सातौ जिल्ला अधिबेसनबाट निर्वाचिन ६५ सदस्यीय जिल्ला कमिटीका बहुमत पदाधिकारी र सदस्य सहित अगुवा कार्यकर्ता भेला आयोजना गरिएको छ । एमालेको सातौ जिल्ला अधिवेशनबाट अध्यक्षमा असोक कोईराला, उपाध्यक्षमा निरक गुरुङ, सचिवमा रत्न खत्री र उप सचिवमा प्रमोद धिताल निर्वाचित भएका थिए ।
सचिव खत्रीका अनुसार सोमबारको जिल्ला भेलामा पालिकास्तरका अगुवा कार्यकर्ता पनि सहभागी थिए । आईतबार मात्रै बाँकेको बैजनाथ, खजुरा र जानकीमा अगुवा कार्यकर्ता भेला गरिएको थियो ।
भेलामा जिल्ला कमिटी सदस्य, क्षेत्रीय कमिटीका पदाधिकारी, नगर कमिटीका पदाघिकारी, वडा कमिटीका , बिभिन्न जनबर्गिय संगठनकाका नेता कार्यक्रर्ताको
पनि सहभागिता रहेको सचिव खत्रीले जानकारी दिनु भयो । नेकपा एमालेकै केपि ओली समुहले पनि जिल्लामा अलग्गै कमिटी निर्माण गरि सकेको छ ।
Discussion about this post