बाँके वैशाख २४ गते ।
अनलाइन पत्रकार संघ बाँकेले जिल्लामा कृयाशिल रहेका पत्रकारहरुलाई मास्क वितरण गरेको छ ।
बाँकेमा कोरोना भाइरसको दोस्रो लहरले सबै क्षेत्रलाई असर गरेको र कोरोना संक्रमणको ग्राफ र मृयुको सिलसिला दैनिक रुपमा उकालो लागिरहेको बेला फन्टलाइनमा काम गर्ने पत्रकारलाई अनलाइन पत्रकार संघ बाँकेले पत्रकारको लागि मास्क वितरण गरेको हो ।
कोरोनाको महामारीमा जोखिम मोलेर फ्रन्टलाइनमा काम गर्ने पत्रकारलाई अनलाइन पत्रकार संघले एकजनालाई सय पिसका दरले मास्क वितरण गरेको संघका अध्यक्ष कमल न्यौपानले जानकारी गराउनुभयो ।
साथै संघका अध्यक्ष न्यौपानेले बाँकेमा पत्रकारलाई वितरण गरिएको पासको बिषयमा समेत बोल्दै बाँकेमा कुनै पनि पत्रकारले रिपोर्टिङका लागी असजिलो परिस्थिति भोग्नु नपर्ने र त्यस्तो अवस्था आएमा अनलाइन पत्रकार संघ संग समन्वय गर्न आग्रह समेत गरेका छन् ।
फन्टलाईनमा रहेर काम गर्ने पत्रकारलाई आइपर्ने समस्याको लागी हामी समन्वय गर्न र त्यसको समाधान खोज्न तयार छौँ, बाकेमा कुनै पनि पत्रकारले समस्या भोग्न नपरोस् यहि हाम्रो उदेश्य हो । यस्तो महामारीकोको समयमा पनि बाँकेका पत्रकारले खेलेको भुमिका सह्रानिय रहेको छ, न्यौपानेले बताए ।
पत्रकारलाई मास्क बितरण गर्ने कार्यक्रममा कुनै पनि पत्रकारलाई स्वास्थ्य मापदण्ड अपनाएर रिपोटिङ गर्न आग्रह समेत अध्यक्ष न्यौपानेले गरेका थिए ।
पत्रकारलाई आपत परेको बेला अनलाइन पत्रकार संघ सदैब जस्तो सुकै बाधा अडचनमा पनि काम गर्न र साथ सहयोग गर्न तत्पर रहेको अनलाइन पत्रकार संघ बाँकेका उपाध्यक्ष जावेद अहमद शाहले बताएका छन् ।
अनलाइन पत्रकार संघ बाँकेले पत्रकारको लागि पिसिआर परिक्षणको व्यवस्थाका साथै पत्रकारका लागि आइसोलेशन बनाउन भवनको खोजीमा रहेको संघका अध्यक्ष न्यौपानेले जानकारी गराउनुभयो ।
कार्यक्रममा अनलाइन पत्रकार संघ बाकेका सचिव रामु ओलीले यो महामारीमा सबै सुरक्षित रहेर रिपोर्टिङ गर्नु पर्ने र कुनै समस्या आएमा संघले समन्वय गर्ने बताएका थिए ।
Discussion about this post