वसिम अन्सारी
बाँके साउन १३ गते ।
नेपालगन्जको वीपी चोकबाट भन्सार छलि भित्र्याइएको एक लाखबढीको कपडा प्रहरीले बरामद गरेको छ । वडा प्रहरी कार्यालयबाट खटिएको प्रहरीको टोलीले भन्सार छलि नेपालगन्ज भित्र्याइएको १ लाख २६ हजार ७ सय रुपैयाँ बराबरको कुर्ता, सुरुवाल र कुर्ति बरामद गरेको हो ।
कुर्ता सुरुवालको अन्दाजी मूल्य ४३ हजार ५ सय र कुर्तिको ८३ हजार २ सय रहेको प्रहरीको अनुमान छ । बरामद गरिएको कपडा भन्सार कार्यालयमा बुझाइएको बाँकेका डिएसपी मधुसुदन न्यौपानेले जानकारी दिनुभयो ।
यस्तै जानकी गाउँपालिकाबाट भारतबाट अवैधरुपमा भित्र्याइएको ४० गोडा कुखुरा बरामद भएको छ । जानकी गाउँपालिका १ पचपोखराबाट भित्र्याइएको करिव २४ हजार मूल्यको बोइलर कुखुरा बरामद भएको हो ।
साइगाउबाट खटिएको प्रहरी टोलीले बरामद गरेको अवैध कुखुरा पशु क्वारेन्टाइनमा बुझाइएको छ । भारतबाट पंक्षीजन्य वस्तु ल्याउन प्रतिबन्ध छ ।
Discussion about this post