बाँके भदौ ७ गते ।
मुस्लिम जनमत संघ, बाँकेले कब्रिस्तानको बिषयमा समाचारहरु प्रकाशन तथा प्रशारण भएपछि आफ्नो गम्भीर ध्यानार्षण भएको छ। संघका अध्यक्ष अब्दुल वाहिद शेषद्धारा आज जारी विज्ञप्तीमा कव्रिस्तानको आर्थिक अनियमितता, जग्गा अतिक्रमण गरेर सटर बनाउने कार्यको विरोध गरिएको छ ।
नेपालगंज स्थित कब्रिस्तान, ईदगाह, जामा मश्जिद जस्ता धार्मिक स्थल कुनै समितिको वा समितिमा रहेका सदस्यहरुको पेवा नभएको भन्दै राजनीति नगर्न सचेत समेत पारिएको छ । विज्ञप्तीमा भनिएको छ–‘ धार्मिक आस्थासंग जोडिएका स्थल जस्तै नेपालगंजमा रहेको कब्रिस्तान, ईदगाह र जामा मश्जिद आदिको संरक्षण गर्नु सम्पूर्ण मुस्लिम समुदायको कर्तव्य र सरोकारको विषय हो ।
यस कारण कसैले यो वा त्यो बहाना हस्तक्षेप र समुदायको मन्जूरी बिना त्यहां कुनै कार्य गर्न पाउने छैन् । जबकि समुदायकै दानका भरमा यी धार्मिक स्थलहरु चलिरहेछन् । तथापि बिसौं वर्ष देखि कब्रिस्तान, ईदगाह र जामा मश्जिदको कुनै आर्थिक लेखाजोखा समुदाय माझ सार्वजनिक गरिएको छैन् ।’
विज्ञप्तीमा आर्थिक लेखाजोखा सार्वजनिक गर्न माग गरिएको छ । कब्रिस्तान, ईदगाह र जामा मश्जिद जस्ता धार्मिक स्थलको सार्वजनिक लेखापरिक्षण र सार्वजनिक सुनुवाई गरी सम्पूर्ण आर्थिक हिसाब किताब लेनदेन, सम्पत्ति, धितो, ऋण भुक्तानी पाउनु पर्ने रकम कति छन्। ती सबै बारे जानकारी गराउन माग गरिएको हो ।
विज्ञप्तीमा प्रश्न गर्दै भनिएको छ–‘ बेलाबेला कब्रिस्तानमा माटो पटान समुदायले गर्छ, आखिर आउने जति रकम खर्च कहां गरिन्छ ? कति कर्मचारीहरु छन् ? र, तिनलाई के कति तलब दिईन्छ ? कब्र खुदाईका लागि कसले भुक्तानी गर्छ ? र, कति रकम भुक्तानी गर्छ ? त्यसको रसिद कहां हुन्छ ? कब्रिस्तानमा सटर बनाउनुको कारण के छ ? हाल सम्म उठ्दै आएको चन्दा, दान र कब्र खुदाईबाट आउने रकम कसलाई अपुग छ ? कब्रिस्तानमा रहेका कब्र खोद्ने व्यक्ति वा मृतक या समिति ?’नेपालगंज जस्तो बाक्लो मुस्लिम बसोबास रहेको ठांउमा रहेको एक मात्र कब्रिस्तानको जग्गा अतिक्रमण गरेर सटर बनाउनु गलत भएको विज्ञप्तीमा उल्लेख गरिएको छ ।
‘त्यही सानो कब्रिस्तानलाई झन् सानो पार्दै पसलको लागि सटर निर्माण गर्न कब्रिस्तानमा दफन रहेको कुन चाहिं मृतकले कसलाई खबर गरेको थियो विज्ञप्तीमा अगाडी भनिएको छ–‘जुनकि समुदायको बिना मन्जूरी कब्रमाथि सटर निमार्ण गर्न कब्र नै खनिए ।
खनिएका कब्रमा मृतकका हाड र कफन समेत निस्केको छ ।’ जबकि शरीयते इस्लामले भन्छ कब्रमाथि कब्र बनाउन सकिन्छ तर कब्रमाथि कुनै पनि भौतिक निर्माण गर्नु , जुत्ता चप्पल लगाएर हिड्नु जस्ता कार्य शरीयते इस्लामको विरुद्ध कार्य भनेको स्मरण समेत विज्ञप्तीमा गराइएको छ ।
Discussion about this post