वसिम अन्सारी
बाँके भदौ ८ गते ।
जनता समाजवादी पार्टीले नेपालगन्ज उपमहानगरपालिका १५ स्थित हनुमान निम्न माध्यामिक विद्यालयमा आज बृक्षारोपण गरिएको छ । डिभिजन वन कार्यालयको सहयोगमा विभिन्न जातका ५८ वटा विरुवा रोपिएको हो ।
बृक्षारोपण कार्यक्रममा बोल्दै जसपाका बाँके अध्यक्ष कमलरुद्दिन राइले पूर्व शहरी विकास मन्त्री इस्तियाक राइको जिल्लालाई हरित नगरी बनाउने अभियान अन्तर्गत् बृक्षारोपण कार्यक्रम गरिएको हो ।
तत्कालिन शहरी विकासमन्त्री राइले बाँकेमा १० हजार विरुवा लगाउने अभियान थाल्नुभएको थियो । त्यहीक्रममा नेपालगन्जसहित अन्य पालिकाहरुम पनि रुखहरु रोपिएका थिए । निजी तथा सार्वजनिक खाली जमिनमा रुख रोप्ने अभियान अन्तर्गत विरुवा रोपिएका हुन् ।
कार्यक्रममा बोल्दै जसपा अध्यक्ष राइले प्राकृतिक सौन्दर्यताका लागि र वातावरणलाई हराभरा बनाउन बोटविरुवा रोप्नु आवश्यक रहेको बताउनुभयो ।
डिभिजन वन कार्यालय बाँकेका प्रमुख राजु क्षेत्रीले सरकारले अहिले बृक्षारोपण दिवस मनाइरहेकाले प्रत्येक व्यक्तिले एउटा रुख रोप्नु पर्ने बताउनुभयो । नेपाल सरकारले २०७० देखि ८० साललाई बृक्षारोपण दिवसकारुपमा मनाइरहेको छ ।
यस्तै कार्यक्रममा सहभागी हरित अभियन्ता हेमन्त काफ्लेले बोटविरुवा लगाउनु वातावरण सन्तुलनको लागि महत्वपूर्ण रहेको बताउनुभयो ।
कार्यक्रममा जसपा केन्द्रीय सदस्य तथा बांके ईन्चार्ज हिक्मत विक, केन्द्रीय सदस्य बेद प्रसाद आचार्य, प्रदेश कोषाध्यक्ष अम्बिका काफ्ले, प्रदेश सदस्य माजिद अलि शेष प्रदेशका लेखा संयोजक कौशल धोबी, जिल्ला उपाध्यक्ष राजन राना मगर, बांके क्षेत्र नं. २ का अध्यक्ष सुर्यलाल यादव, नगर अध्यक्ष श्रवण यादव, क्षेत्र न २ ख ईन्चार्ज रमा रानी वैश्य, नेपालगंज १५ का वडा अध्यक्ष वल्लन कबाडिया, स्कुल ब्यवस्थापन समिति अध्यक्ष रजा राई, प्रधानाध्यापक रमेश प्रसाद श्रीवास्तवलगायतको उपस्थिति रहेको जसपा बांँके सचिव राजेन्द्र बिश्वकर्माले बताउनुभयो ।
Discussion about this post