बाँके भदौ १३ गते ।
शनिबार बाँकेको जानकी गाउँपालिकाका प्रमुख रामनिवास यादवको निधन संगै जानकी गाउँपालिका शोकमा डुबेको छ ।
आइतबार जानकी गाउँपालिका कार्यालय तथा जानकी गाउँपालिका वडा नम्बर ६ ले शोक सभा कार्यक्रम गरेको छ भने पालिका कार्यालयमा शोक पुस्तिका समेत राखिएको छ ।
पालिकाले आयोजना गरेको श्रद्धाञ्जली सभामा उपप्रमुख भुमिसरा धितालले, प्रमुख प्रशासकीय अधिकृत बस बहादुर राना, राजनैतिक सल्लाहकार किशोर थापा, वडा नम्बर ६ का अध्यक्ष सुरेश यादव, कार्यपालिका सदस्य तथा पुर्वाधार संयोजक राज कुमार धोबी लगायत कर्मचारी तथा जनप्रतिनिधिहरुको उपस्थिति रहेको थियो ।
सादगी जीवन र बिकासप्रेमी नेताको रुपमा रहेका यादवको निधनले जिल्लालाई नै क्षती पुगेको वडा नम्बर ६ का अध्यक्ष सुरेश यादवले बताएका छन् ।
केही समयदेखि अस्वस्थ अध्यक्ष ६२ वर्षीय यादवको शनिवार एकाबिहानै नेपालगन्जको नर्सिङहोममा उपचारका क्रममा निधन भएको थियो ।
२०७४ सालको स्थानीय निर्वाचनबाट गाउँपालिका अध्यक्षमा निर्वाचित यादव नेकपा एमाले लुम्बिनी प्रदेश कमिटीका सदस्य रहेका थिए ।
Discussion about this post